Rakusan ft. Ansaf Ameer Lyrics

මා සිනා සොරකම් කලාදෝ

පායනා හිරුටත් හොරා

අඳුරේ ගිලෙනා

නිවෙනා මිණි පහනක් වේ මා

ගයනා ගීයක් නෑසෙන්නේ

රකුසන්ගේ හඬ රැව්දෙන්නේ

හද කම්පිත කරවන පුවතක්

ගෙවිලා යයි තව එක දවසක්

රකුසන්ගේ අඩවියේ මොහොතක්

තනිවී මිලින උනා මල් කැකුලක්

තනියට අල්ලපු ගෙදරක අම්මේ

නුඹ ගිය තැන වෙනසක් මට දැනුනේ

අත අල්ලා ගෙන කැලයට වැදුනේ

කඳුලින් කෑ මොර දී පණ ඇදුනේ

කොටදෙණියාවේ මතකද සේයා

රෑ නින්දෙන් මිලින කලා කෙලෙසා

මුලු රටක් කම්පිතව කඳුලින් හැඬුවා

යන්න යන්න කල් අමතක කෙරුවා

මේ වැනි පොඩි දරුවන් රැක ගන්න

පිරිමි උනත් නෑ වෙනසක් වෙන්න

හිතවත් අය ලඟ තනියට දෙන්න

පෙර ආයෙත් මෙය සිහියට ගන්න

මා සිනා සොරකම් කලාදෝ

පායනා හිරුටත් හොරා

අඳුරේ ගිලෙනා

නිවෙනා මිණි පහනක් වේ මා

ගයනා ගීයක් නෑසෙන්නේ

රකුසන්ගේ හඬ රැව්දෙන්නේ

අසහනයට ගිජු වූ මනසට

වෙනසක් නෑ ලොකු පොඩි වයසක

වල්මත් වූ කල කම් සැපකට

තිරිසන් ගතිගුණ එයි කලඑලියට

දරුවට ආරක්ෂාවම වෙන්න

හැකි පමණින් ආදරයම දෙන්න

රකුසන් හැම තැන හැමවිට ඉන්න

බව ඔය මනසට සිහිකර ගන්න

තල් අරණේ රන් දෝණි විද්‍යා

පාසල් යන පාරේ රැක උන්නා

කෙලෙසා පටිගත කර උන් දුන්නා

වනසාලූ තන ඈ වැඩි උන්නා

වරදක් නැත ඈ කිසි දින කරලා

රූපෙට වසඟ වෙලා සිඳ මරලා

හීන ගොඩක් හිත් මානේ උරලා

යන්න ගියා ඈ මේ දුක විඳලා

මා සිනා සොරකම් කලාදෝ

පායනා හිරුටත් හොරා

අඳුරේ ගිලෙනා

නිවෙනා මිණි පහනක් වේ මා

ගයනා ගීයක් නෑසෙන්නේ

රකුසන්ගේ හඬ රැව්දෙන්නේ

කාලෙන් කාලෙට පුරුදුයි කතාව

තාමත් අඳුනන්නෑ අපි සතාව

බිලි උන දා ඔබේ දුව හරි පුතාව

තේරෙයි මා මේ කියනා කතාව