Rakont in ot Ep5 (Lézann Wi Rent' a ou) Lyrics

Oui ma soeur

Tout les après midi vers 15h

Marie Louiz y acceuil son band copine son kaz

pou fé un peu ladi lafé

Ek son ti garcon zean roné de moins d'un an, lé

compliké pou li de rend' visit son band copine

donc sé badna qui passe tout les jours vers 15h

Mr Gro Pol y léve gran matin pou allé travay

li fait un bisou son ti garcon zane roné

et un aut pou son madame Marie Louise en

demandant a li

kan mi revient mi raméne de l'eau bénit' pou

ou ?

Marie Louise y répond' a li ke non la pas besoin

vers 15h néna Augistine y raméne un boutielle

pou mwin

comme ma dit a zot, Zean Roné tro zén enkor

pou améne a li batt carré war copine alé fé

bazar ou alé la messe

L'après midi li okup zean roné

et y arrive 15h

Marie Louise lé impatiente war son band copine

et fé un pé koméraz

sé la ke li entend

Marie Louize ???

Wi rent' a ou

mais dans la voix li rekoné pa kel copine y lé

y recri enkor

Marie Louise ???

Wi rent' a ou té

li dit riskab Augistine la gagne la grippe, sa mm

son voix lé koma

Marie Louise ???

Wé té rent' a ou, combien fois y faut mi dit a ou

ma pou okup zean roné

la porte y rouve dans son dos

et la li entend comme un ral

un frisson la pass dans son doi'd pié

la piéss la glace un coup

courant d'air la fé batt la porte

et toute la noirci comme si soleil la joué loup

cachiét ek la line

kan Marie Louiz la tourne la téte

en face de li

un gran femme tou ni, la peau un peu gri

la apparait' d'un coup

son long cheveux noir té cache un peu son

visage ek preske tout le corps

mé té laisse war son zieu pareil cet poisson

krévé

lo dent té pointu dans un bousss sans lèv

lo song té longue pareil ciapét

et lo pié té touss pa a tér

Marie louiz la mm pa gagne crié tellement li

navé la tremblad

ek lo sok li la tomb a genou

pa la pèn prié, na poin personne pou entend a

ou la

aster ou appartien a mwin

kosa ma fé pou mérite sa ?

le femme la avance devan Marie louiz et la pose

la main su son front

li la rappross son bouss sans la lév coté zoreil

marie louise et li la dit

ou la répond a mwin oui trois fois

ou la donc fé a mwin un serman

oui trois fois

c'est jiré de donn a mwin out lam

aster alé trapp out ti baba

et suive a mwin cimetiére

Dans un coup de stress Marie louiz la gagne

apén kozé pou dit

Pren mon lam mais pas cette zean roné

mi en supli a ou

li lé innocent

Lo femme y garde a li ek un large sourir la guél

rékin

innocent ou pa

ma besoin le sang un z'enfant

Arrivé koté berceau Zean Roné

li entend la voix Augustine donn somin

Marie Louise, mi rent'

Totossssé, lo mové zesprit va gagne trois lam

pou le prix d'un

dans son tremblad Marie Louiz la mm pa gagne

crié pou prévenir a li de pa rentré

kan Augustin' la rive dans la kaz

et la vi lo gran femme touni gran sové noir

li la rouv' le bouteille lo bénit' et li la zét partout

vers lo mové zam en faisant signe de croix

lo femme la largue un cri bébéttt la kaz la

tremblé, toute meuble la levé

et kan toute la totoss a terre

le mové zam la explozé dans un lumiére blanc

éblouissant

marie louiz la assiz a terre en pleure ek zean

roné don son bra

augustine coté li y dit a li

bon, faudra mi sar trapp un aut bouteille lo

bénit', parce que la, ma pa rodé ma vide toute

Taikunnnnnnn???

Wi???