Rakont in ot Ep6 (Trésor Izidor) Lyrics

Izidor ek Zislén té Deux gramoune que té vive

dans un ti kaz en paille

comme zot navé point z'enfant, zot té appel a

zot Papa ek momon

Té difficile pou trouve un boussé manzé tout les

jours

mais si ou té pass la ba croit pa ou noré sorte la

ba vent' vide

zamé zot va laisse un moune dans le besoin

Izidor y dit

Momon, mi descend' la ravine pou rod' dé

mangue

kwé ou sorte gro l'heure midi la y dit zislen

y fé chaud et de plus y sorte pa l'heure la gros

mois de novembre la

inkiét pa, le temps ou fé café mi sera fine arni

Izidor, mette son ti sapo, son ti bertel son savate

5 doigt et li lé parti

arrivé donn fond la ravine, li wa un zoli pié

mangue avec rienk un mangue que té fine sanz

coulér

somen li té bien bien en lér mm

Izidor pa mayé, monté kassé descend

la fatigue a li un coup mais li té conten ramèn én

bien mur pou fé pèt la langue zislén

li assiz un pé pou ropoz son ti corps gramoun

lerk li entend au loin la cloche léglise y sonne

midi

oté, faut armonté avant café y frédi

a peine li lév a li

que li entend un moune la pou pléré

li tourne la téte

li wa au loin sou pié zamblon comme la forme

un moune la pou assiz a terre y tenir son vent'

Izidor arrivé koté y dit a li

si out vent' la tourné mi sa rode un pé la poud la

rourout' pou ou?

lo zén kaf d'un 20tén d'année torse nu et bien

baraké y répon a li

mon vent' y fé mal car y fé 3 zour ma pa manzé

Izidor la pa rodé, li la trap le mangue dans son

bertelle et la donne a li en pensant

momon va manz' mangue un aut' fois

li dit lo kaf

manz sa toujours, et alon la kaz na gardé si y rét

un ti gazon de riz pou ou

Lo kaf la trap lo mangue en disans mersi

monsieur

a peine li la morde dans le mangue de

fiiiiiouuuuuuuuuk

li la disparait'

Izidor y dit bin, ma pou perde la téte kosa, navé

poin un moune coté mwin la

et kan li la vu le mangue a terre ke té manque un

bon morceau coté ousa lo kaf lavé morde

dedans

son sové la dress si son téte

bézé, ma invite la mové zam la kaz

Momon lé tousèl da kaz pou fé café

izidor kouri la kaz affolé

Zislén trankil té attend' a li avec un ti sourire

bin kosa li rive a ou Papa?

kan Izidor la rakont' a li lo zistwar

toute la soirée badna la fé la prière

la nuit' donne réve izidor

li wa lo kaf y dit a li vient ma mont' a ou un

keksoz pa besoin ou la pèr

a partir le pied jamblon, ou fai 25 pas vers le

nord, 50 vers l'Est, 75 pas vers le Nord et 100

vers l'Ouest

Ici y fé 100 ans la tué a mwin et la entèr a mwin

ek le trésor pou fait de mwin le gardien lo trésor

et aujourdui mi peux prend un aut' lame pou

prend mon place pendant 100 ans

mais pou remercié, mi va donne a ou le trésor

et hop, li la réveillé

zot noré eu confiance, oubien zot noré eu peur

ke le Falafas té trap' a zot ?

Izidor ek Zislén aussi la beaucoup hésité

Et zot la descend' ek un piosss et sakén un kilo

chaplet donn' coup baigné ek lo bénit'

Izidor y fé le mm somin ke dans son réve

zot y creuz, et bing

zot y tombe su un ti boite en fer ek un 100tén

piéces zon' a l'intérieur

les deux la tombe a genou remersiant bondié et

lo Falafas en faisant un ti priére pou que son

lame y trouve le bon somin

Arrivé zot kaz, la commence savir un pé zot téte

kosa y fé ek sa ?

sa y manz pa, y gagne pa répar lo kaz avec

La y gagne pa tape su Google pou trouve la

solution, et y existe pa non plus acheteur de

trésor contre l'argent

Badna la parti la boutik chinois da ville ousa zot

navé l'habitude fé bazar

lo komersan y dit a zot, ke sa na point la valeur

band ti pièce la

mais si zot y veux, mi peux donn a zot de riz, ek

deux trois zafér pou manger et pou arrange zot

kaz pendant 1 an

Izidor ek Zislén la viv heureux pendant 1 an

Et la suite ? nou koné pa, car badna lavé point

senfant pou rakonté

seul zafér mi peu dit a zot, sé ke kelke zané pli

tard

lo komersan la fé contruit un boutik 10 fois plus

grand