Mere Aaqa Mere Moula Qaseeda Hassan bin Sabit (R) Vocals & Duff Only Lyrics

Mere aaqa mere mola mere aaqa mere mola

Muhammad ur Rasool ullah Muhammad ur Rasool ullah

Mere aaqa mere mola mere aaqa mere mola

Muhammad ur Rasool ullah Muhammad ur Rasool ullah

Jahaan main un sa chehra hai na hai khanda jabeen koi

Abhi tak jan saki na aurtneen unsa haseen koi

Naheen rakhi hai qudarat ne mere aaqa kami tujh main

Jo chaha aap ne moula wo rakha hai sabhi tujh main

Mere aaqa mere mola mere aaqa mere mola

Muhammad ur Rasool ullah Muhammad ur Rasool ullah

Badi ka daur the har su jahalat ki ghataeen then

Fasado zulm se charoon taraf pheli hawaeen theen

Khuda k Hukam se na aashna makke ki basti thi

Gunaho jurm se charoon taraf wehshat barasti thi

Khuda ke deen ko bacho ka aik wo khel samajhte thay

khuda ko chor ker har cheez ko mabood kehte thay

Wo apne haath hi se pathroon ke but banate thay

Unhi ke samne jhukte unhi ki hamd gate thay

kisi ka naam uzza tha kisi ko laat kehte thay

Hubal nami bare but ko butoon ka baap kehte thay

Agar larki ki pedaish ka zikr gher main sun lete

Toh us masoom ko zinda zameen main dafan ker dete

Gharaz jo bhi burai thi sab unme payi jati then

Na thi sharmo haya aankhoon main gher gher behayai thi

Magar Allah ne un par jab apna reham farmaya

Toh Abdullah k gher main khuda ka ladla aya

Arab ke loog us bache ka jab aizaz karte thay

Toh Abdul Mutalib kismet pe apni naaz karte thay

Khuda ke deen ka phir bool bala hone wala tha

Muhammad se jahaan main phir ujala hone wala tha

Mere aaqa mere mola mere aaqa mere mola

Muhammad ur Rasool ullah Muhammad ur Rasool ullah

Muhammad ke taqadus pe zubaneen jo nikaleen gay

Khuda ke hukam se aisi zubaneen khench daleen gay

Kahaan riffat Muhammad ki kahaan teri haqeeqat hai

Shararat hi shararat bas teri bechain fitrat hai

Muzamat ker raha hai tu sharafat ke masihah ki

Amanat ke deyanat ke Sadaqat ke masihah ki

Agar gustakhi e Namoos e Ahmad ker chuke ho tum

Toh apni zindagi se qabal hi bas mar chuke ho tum

Mere samaan o jan o tan fida un ki rafaqat per

Mere ma baap ho jaeen nisar unki muhabat per

Zubaan rakhta hu aisi jis ko sab talwar kehte hain

Mere ashaar ko ahle jahaan ab khaar kehte hain

Mere aaqa mere mola mere aaqa mere mola

Muhammad ur Rasool ullah Muhammad ur Rasool ullah

Kada ko apne hamloon se zubaar alood ker denge

Na aisa ker sake to khoon se sehra ko bhar denge

Bulandi ki taraf ghoroon pe Bijli ban k jate hain

Hamari pusht pe neeze adu ke khoon ke piase hain

Hamare behtaeen hore hawa ke sath chalte hain

Dubate aurtoon ke un ke chehroon pe lapakte hain

Agar ham ban gae fateh toh umrah karne jaenge

Hamari jang hai Allah ki khatir ye dikhaeenge

Ager tum datt gae mademuqabil phir bhi bil aakhir

Muazaz ham baneen gay jang ke sholoon ko bharka ker

Mere aaqa mere mola mere aaqa mere mola

Muhammad ur Rasool ullah Muhammad ur Rasool ullah

Mere aaqa mere mola mere aaqa mere mola

Muhammad ur Rasool ullah Muhammad ur Rasool ullah