Ehrerundi Lyrics

Ehrerundi

Du bisch wi ds Liecht im dunkle Zimmer,

Bisch i der Hitz my Schatteplatz.

Du bisch der Wägwyser ar Chrüzig,

Bisch wien es Smily im ne Satz.

Du bisch d Oase i der Wüeschti, mitts im Lärme bisch du d Rueh,

Du bisch dä, won i mi uf ihn cha verlaa.

Am frömden Ort bisch du my Heimat, du bisch dä, wo mir s erklärt,

Dert, won i allei bi weiss: Du bisch da.

Us ganzem Härz wott i di lobe

Mit de schönschte Tön, wo s git,

Jede Stärn am Himmel obe

Stimmt mit y u singt das Loblied mit.

Us ganzem Härz wott i di lobe,

Mit em allerschönschte Lied, wo s git,

Sogar d Planete dert im wyte Wältall obe

Dräihe für di en Ehrerundi mit.

Du bisch wi ds Liecht im dunkle Zimmer,

Bisch i der Hitz my Schatteplatz.

Du bisch der Wägwyser ar Chrüzig,

Bisch wien es Smily im ne Satz.

Du bisch d Oase i der Wüeschti, mitts im Lärme bisch du d Rueh,

Du bisch dä, won i mi uf ihn cha verlaa.

Am frömden Ort bisch du my Heimat, du bisch dä, wo mir s erklärt,

Dert, won i allei bi weiss: Du bisch da.

Us ganzem Härz wott i di lobe

Mit de schönschte Tön, wo s git,

Jede Stärn am Himmel obe

Stimmt mit y u singt das Loblied mit.

Us ganzem Härz wott i di lobe,

Mit em allerschönschte Lied, wo s git,

Sogar d Planete dert im wyte Wältall obe

Dräihe für di en Ehrerundi mit.

Us ganzem Härz wott i di lobe,

Mit em allerschönschte Lied, wo s git,

Sogar d Planete dert im wyte Wältall obe

Dräihe für di en Ehrerundi mit.