Immer wider Lyrics

Immer wider

Immer wider chunnt e nöie Tag,

Immer wider han i Grund zum Stuune,

Immer wider mal git s öppis z lache,

Git s e gueti Antwort uf ne Frag.

Immer wider gsehn i: Das chunnt guet,

Immer wider mal chan i chly tröime,

Immer wider feini Sache ässe,

Immer wider macht mir öpper Muet.

I ha immer wider Fröid am Singe,

Ha Fröid am Rhythmus, a de Tön.

Immer immer, immer, immer wider

Chan i säge: Hey, so schön!

Immer wider darf i zue der cho,

Immer wider chan i öppis lehre,

Immer wider bin i zimlech sicher,

Immer wider schlicht und eifach froh.

Immer wider git sech öpper Müeh,

Immer wider chunnt zum Glück e Pouse,

Nach em Räge immer wider d Sunne,

Immer wider glingt üs, was mer tüe.

I ha immer wider Fröid am Singe,

Ha Fröid am Rhythmus, a de Tön.

Immer immer, immer, immer wider

Chan i säge: Hey, so schön!

Drum tuen i immer wider mal mit Lieder

Gott lobe für das, won är tuet.

Wüll immer, immer, immer, immer wider

Chan i säge: Hey, so guet!

Immer, immer, immer, immer wider,

Immer, immer, immer, immer wider,

Chan i säge: Hey, so guet!