លាហើយប៉ៃលិន Lyrics

សម្លឹងមើលមេឃ មេឃខ្ពស់សន្លឹម

ភក្រ្តធ្លាប់ញញឹម ប្រែជាស្រពោន

ចិត្តដែលសង្ឃឹម ក៏រលាយសូន្យ

រស់នៅដូចក្បូន អណ្ដែតតាមទឹក

ទីពឹងបងមួយ ជាត្រួយជីវិត

ជនពាលឧក្រិដ្ឋ លបលួចប្រហារ

បើទោះជាខ្ញុំ ខំថ្លែងវាចា

ក៏គ្មាននរណា គេជឿខ្ញុំឡើយ

លាហើយប៉ៃលិន លាក្លិនរំដួល

លាភាពប្រែប្រួល លាភ្នក់កម្មពៀរឫស្យា

លាព្រៃលាភ្នំ លាបរយ៉ាខា

ខ្ញុំលាគ្រប់អនុស្សា

លាមិត្ត លាញាតិសណ្ដាន

ប៉ៃលិនចូរអ្នក កុំនឹកខ្ញុំអី

បើមាននិស្ស័យ ខ្ញុំវិលវិញថ្កាន

វិលមកជួបអ្នក រួមរស់សុខសាន្ត

នៅលើវិមាន ទឹកដីត្បូងពេជ្រ

លាហើយប៉ៃលិន លាក្លិនរំដួល

លាភាពប្រែប្រួល លាភ្នក់កម្មពៀរឫស្យា

លាព្រៃលាភ្នំ លាបរយ៉ាខា

ខ្ញុំលាគ្រប់អនុស្សា

លាមិត្ត លាញាតិសណ្ដាន

ប៉ៃលិនចូរអ្នក កុំនឹកខ្ញុំអី

បើមាននិស្ស័យ ខ្ញុំវិលវិញថ្កាន

វិលមកជួបអ្នក រួមរស់សុខសាន្ត

នៅលើវិមាន ទឹកដីត្បូងពេជ្រ