ទឹកភ្នែកនាងកូឡាប Lyrics

អារុក្ខអារក្ស អ្នកតាម្ចាស់ព្រៃ

សូមធ្វើសាក្សី ក្ដីស្នេហ៍ខ្ញុំផង

ថាខ្ញុំស្មោះពិត មាសមិត្រស្នេហ៍ស្នង

ដួងចិត្តចាំចង ឥតហ្មងសោះឡើយណា

កុលាបមាសបង អូនមានគុណណាស់

អូនជាម្ចាស់ផ្ទះ ជួយយកអាសា

ថ្នមបងដូចម្ដាយ ថ្នមបុត្រធីតា

ចំណីអាហារ ជីវ៉ាផ្គាប់ឥតខ្ចោះ

បើទេវតាជួយ ឱ្យភ្នែកបងភ្លឺ ដូចកាលគ្រាមុន

ទោះឃើញតូចតន់ បាត់បង់សម្រស់

ឬឃើញអូនឃ្លង់ពិការ ដាច់ដៃជើងអស់

ក៏បងនៅស្មោះ លុះលោករលាយ

បងថាស្រណោះ អាណិតមេត្តា

ទោះឃ្លង់ពិការ ក៏បងប្រណី

ឯណាពាក្យពិត បងប្ដឹងព្រឹក្សព្រៃ?

ឥឡូវប្រុសថ្លៃ ការគូថ្មីចោលអូន

ហាស! ហាស!ៗៗៗ

អូនឈឺចាប់ណាស់ ឈឺឥតឧបមា

ចង់តែប្រហារ ឱ្យជីវិតសូន្យ

សប្បាយនឹងស្រី ភ្លេចព្រៃភ្លេចស្ងួន

ទឹកនេត្រាអូន ហូរគ្មានថ្ងៃអវសាន