Ahfang Lyrics

Ah yeah Bro, de geili Rythm bringt mich in Flow

Schribe die Bars eifach so ohni Grund

Und dis Lache verstummt denn ich brings uf de Punkt

Blow your Mind, du weisch was ich mein

Mache mir nöd viel Gedanke, hauptsach isch geil

Wie en Aff ade Schribmaschine, schrib a mine Text wie sone Rap-Maschine

Findsch da ine zwar nöd meh Inhalt als inere Milchpraline

Sie säged Rap isch tot, ok verstahn dich scho

Chum gib mer es Mic ane, ich zeig allne es isch nöd so

Ich bin zwar nonig lang da wo ich jetzt stah aber verstah

Ich will nach füre drum blib ich in Fahrt

Nimme eso jede Tag, wiener grad staht, immer parat

Bhalte min Wille blib innerlich starch

Immer no am Ahfang, weiss gar nöd won ich ahfang

S'Ziel gaht immer meh uf Abstand, kämpf mich da ufe a dem Abhang

Mit em Ziel vor Auge gahn ich immer witer ja und bhalt min Glaube

Au wenn de Weg no wit isch machi immer witer und das ohni Pause

Wie viel Träum sind scho platzt wil mer sie eifach nur träumt und nüt defür macht

Es isch in diner Macht, chum stahn jetzt uf und ziehn id Schlacht

Mängisch leit der s'Lebe Stei in Weg, bisch allei es wär alles eifacher wenn

Eifach alles ufgisch dir seisch dass das alles gar nöd du bisch

Dis lebe en Betrug isch und meinsch dass du eifach nöd gnueg gisch

Au wenn das alles wie en Fluech isch und dich no viel meh fickt als zuegisch

Du weisch wer du bisch, du weisch

D'Macht vom Wort ja sie würkt sofort gib nur Acht

Denn sie macht Schade in Rekordzit

Mache min Report mit allem was vor Ort isch

Über all die Gedanke, so schaff ich Ordnig

Machs nöd morn mache mich selber zornig

Nachher lahni alles use, ich bin wie en Zombie

Sit Tage scho mit leerem Mage schlechti Kombi

Und vertage eifach alli Frage checksch es Homie?

Bin immer no am Ahfang, weiss gar nöd won ich ahfang

S'Ziel gaht immer meh uf Abstand, kämpf mich da ufe a dem Abhang

Immer no am Ahfang, weiss gar nöd won ich ahfang

S'Ziel gaht immer meh uf Abstand, kämpf mich da ufe a dem Abhang

Mit em Ziel vor Auge gahn ich immer witer ja und bhalt min Glaube

Au wenn de Weg no wit isch machi immer witer und das ohni Pause

Wie viel Träum sind scho platzt wil mer sie eifach nur träumt und nüt defür macht

Es isch in diner Macht, chum jetzt stahn uf und ziehn id Schlacht