Samurai Lyrics

Kenned ier scho die Gschicht vom Samurai ohni Schwert?

Allne Gegner überlege mit siner lyrische Gwalt

Er folgt siner Pflicht und all sin Lohn isch härt

Verdient, er kennt Gnad, Lyrics mit zynischem Ghalt

Legende besäged sini Technik isch perfekt

En Wortschatz wo sich bis zum Mond und witer streckt

Mer seit sich er het au scho Dämone niedergstreckt

Sini Flows hend unfassbari Chräft in ihm erweckt

So zieht er durs Land, Rapper nehmed sich In im Acht

Sie hend Angst wenn er chunt mit em Nebel ide Nacht

Wie en Geist, au en Ghostwriter wird vo ihm zerstört

Dur sin Körper strömt Hip Hop, jedes Chind hät vo ihm ghört

Niemert weiss wo er herchunt, nur Grücht um sini Herkunft

Nöd vo dere Welt wie sini Rap-Skills

En Gsandte vo de Götter en Prophet ohni Vernunft

Legende worde no zu siner Läbzit

Passed uf wenn er chunt, de Samurai mit em Mic

Ohni Schwert zerstört er sini Gegner mit Wörter

Wached uf wenn er chunt de Samurai spittet tight

Het de Beat im Körper, wenn er stirbt denn hört er

Legende und Mythe sind no untertriebe

Es heisst er het d'Hydra versteinert mit Silbe

Sin Flow tuet dich so wie mit Bolze durchsiebe

Mer seit dass sini Feind dur sis Rhyme verzwifled

Es git e legendäri Schlacht, lah mich dir devo verzelle

Ganz allei het er de Kaiser vo de Mumble Rapper killt

Und glaub alles stimmt, ich tuen nöd eifach nur rede

Mer het gseh das ihm Verglich alles nur Hampelmänner sind

Für wahri Zeile blind, drum hend sie ihn nöd erahnt

Hundert tusig Gegner sind sind für ihn kein Grund zum ufgäh

S'isch ihm ganz allei bestimmt, füehrt de Stift wie Göthes Hand

Dur die Musig lebed sini Wort witer und er

Wird unsterblich, e Legende, bekannt in allne Länder

Volkslieder verzelled vo sine Heldetate Bänder

So wie Büecher wo nöd ended, die unendlichi Gschicht

Für die Meiste nur en Fremde mit unbändigem Gschick

Jede ander Rapper wär a sine Lyrics erstickt

De einzig wahri verfickt MC, en Offebarig

Ich hoff ich han der alles verzellt, han doch kei Ahnig

Lueg doch selber nah im Netz, muess jetzt gah also lah mich

Passed uf wenn er chunt de Samurai mit em Mic

Ohni Schwert zerstört er sini Gegner mit Wörter

Wached uf wenn er chunt de Samurai spittet tight

Het de Beat im Körper, wenn er stirbt denn hört er

Legende und Mythe sind no untertriebe

Es heisst er het d'Hydra versteinert mit Silbe

Sin Flow tuet dich so wie mit Bolze durchsiebe

Mer seit das sini Feind dur sis rhyme verzwifled