Mpoloka Morena Lyrics

Fa tiro ya me e khutla, ke didimala losong

Bopipo go fifala, ke sena nonofo

Moya o ya go Mmopi, lorole mo loreleng

Ke letile tsogo, mogang A bonala

Botshelo jwa me nthute, go dira 'thato ya 'Go

O mpipe mo tlhakoring, senkgwe sa botshelo

E sere kwa bokhutlong, 'tsatsi jeo ja katlholo

O re "tloga go Nna, wena moikepi"

Go tla futsafatsa jang, morago ga go direla

Ke ikitsa menate yotlhe ya lefatshe

E re fa o bonala, ke siela dithabeng

Le basiamolodi re tshaba ponalo ya 'Go

Moya O Boitshepho, A ko se ntese bojosing

Go direla Morena, le Satane tlhakoring

Ka gore fa tsietso, e nkapara semoeng

Ke latlhelela ruri, mme ke le sakeng ja 'Go

Ga ke re sepe khumo, le fa e le gouda

Ke senka senka legodimo, ke tsene gone

Le fa tsa lefatshe je di ka tloga go nna

Ke itse ke letilwe, ke serwalo sa phenyo