Abatontomi Lyrics

Nyiriri nnyingi nninga nsingo-biseera

Bye nduka bino bebuuza gye mbiggya

Asitunkana bw’olidda n’omuddo

Omuti olisanga gwagwa n’embazzi

Ebinva mu kamwa bya mugaso ng’amazzi

Bw’otega amatu owona olufu gy’ogenda

Amaaso g’olina z’engero za bajjajja

Bw’akugambako n’ozimba nga ttimba

Ery’omukulu awaddugala ate ye ttaala

Ow’omululu ofiiriza bingi nno eggwanga

Okweyaguza oluggyo gwe eyo n’ogejja

Tonkuba sasi nkyalojja nkyaleeta

Kambisuuleewo nga nnyinizo oba Nnyanzi

Sitera kulwana mpozzi nga onnyiizizza

Amaanyi ge nnina bwe gagaana seekooya

Engoye okuzeggyamu ebidde sibirinda

Si speech day nti onfuuwe ka Soda

Bbaasa mu ngalo nga muzeeyi tonjooga

Bw’owozawoza osaana nno obwa looya

Ng’omusaala gwo gw’osalawo z’onnewa

Suulaako ebbali ku nsimbi z’oyoola

B’oziwa nsiri bwe banuuna tebakoowa

Obanga mugezi n’obuuka ab’emoola

Abeesekereza abo badduke busekerezi

Bw’ofuna essavu ojjukiranga eb’enjuyo

Abatontomi ku luno tuzze kuwamba

Mwesibe bbiri tetukutte na mizinga

Naye tukompola tusinga ne Kyagulanyi

Bbaasa mu ngalo ffe tujooga tetusaaga

Sabula lwaki wekoza? N’omuziki tukuba

Katugutyabule ne jjajjawo k’anyumirwe

Ne bw’aba mwagalwa mugambe kyatutondebwa

Teyandisubiddwa nga ffe abatambuza enjuba

Nyiriri nyingi okubala olonda muwemba

Nze okusemba wakiri nsula nga njiiya

Tompita zolo bw’ompulira nga mpakala

Nsomba byama byange biyite mu nsingo

Ab’emize emibi bavumaganya amatumbi

Ng’ate bw’okola okirako nno ow’enkumbi

Bye mbala bino nfukiridde ku ka bwino

Obwongo bwesera aga ccaayi tegalindwa

Eradde mmamu nnyoge anti nze mulindwa

Enkonge zaamera ku mikono gy’abayiiya

Eteeka lyatulya nga kasooli mu mashiini

Bangi be ndaba abekweka mu maddini

Nga ekko ku mitima betaaga ka Vim

Emyoyo tusuza anti Kafeero yabagamba

Nampawengwa aa aa nze ebyo sibiriimu

Bw’ombuuza gye nsula ke kannya aka dduulu

Enduulu zaayita ab’e Bule n’e Bweya

Nga abatontomi beddizza ensi eno

Baamera butiko buli gy’ozza amaaso

Nga emijoozi ke kasana ak’okumakya ako