Coinleach Glas An Fhómhair Lyrics

Ar choinleach ghlas an Fhómhair a stóirín gur dhearc mé uaim

Ba dheas do chas i mbróig 's ba ródheas do leagan súl

Do ghrua ar dhath na rósaí 's do chuirníní bhí fite dlúth

Monuar gan sinn 'ár bpósadh nó ar bord loinge 'triall chun siúil

Tá buachaillí na háite seo ag athrú 'gus ag éirí teann

's lucht na gcocán ard a' déanamh fárais do mo chailín donn

Dá ngluaiseadh Rí na Spáinne thar sáile 's a shlóite cruinn

Bhrúfainn féar ar is fásach 's bheinn ar láimh le mo chailín donn

Ceannacht buaibh ar aontaí dá mbínn agus mo chailín donn

Gluais is tar a chéadsearc nó go dté muid thar Ghaoth Bearra 'nonn

Go scartar óna chéile barr na gcraobh 's an eala ón toinn

Ní scarfar sinn ó chéile 's níl baois daoibh a chur in bhur gcionn

Sé chuala mé Dé Domhnaigh mar chomhrá 'gabháil idir mhnáibh

Go raibh sí 'gabháil a phósadh ar ógfhear dá bhfuil san áit

A stóirín, glac mo chomhairle 's a' fómhar seo fan mar atá

'S cha ligim le 'bhfuil beo thú, a stór, nó is tú mo ghrá