mwathani ndukandiga Lyrics

Ũnyite na guoko, njikarage nawe,

Ndĩkuuĩire mũtĩ wakwa wa kwambĩrwo;

Njikarage nawe mathĩnainĩ mothe,

Nĩgetha ũndeithie kũhotana

Mwathani nĩnjũĩ, ndũkandiga,

Na nĩngwenda kuona riri wa Igũrũ;

Ũhithe o harĩa thũ ĩtangĩnyona:

Mehia makwa mothe ũmeherie.

Naniĩ nĩnjũĩ ndirĩ hinya Mwathani

Wa gwĩtirĩrĩria nditi cia Caitani

Na thuti cia mwĩrĩ, na wendo wa arata,

Na mĩago ya thĩ ĩtarĩ a bata.

Mwathani nĩ ugĩte kũrĩ hĩndĩ ũgoka,

Ũgatware andũ aku Igũrũ makahurũke;

Ũndeithie gũtiga mĩhang’o ya thĩ ĩno;

Nĩguo hote gwĩthagathaga.

Ndarĩkia gũkinya mũciĩ ũcio wa Igũrũ,

Caitani ndagacoka gũũthĩnia rĩngĩ;

Baba nĩakahĩmbĩria na moko merĩ,

Na ahurũkie wendoinĩ wake.