Shikwa Jawab e Shikwa Lyrics

Kyun ziyaan kaar banun, sood framosh rahun

Fikr-e-farda na karum, mahw-e-ghum-e-dosh rahun

Naale bulbul ke sunoon, aur hama tan gosh rahun

Humnawa main bhi koi gul hun ke khamosh rahun

Jurrat aamoz miri taab-e-sukhan hai mujh ko

Shikwa allah se khakam badahan hai mujh ko...

Qaum apni jo zar-o-maal-e-jahan par marti

But faroshi ke iwaz but shikani kyon karti?

Naqsh tauheed ka har dil pe bithaya hum ne

Zer-e-khanjar bhi yeh paigham sunaya hum ne

Tu hi keh de ke ukhara dar-e-khyber kis ne

Sheher kaiser ka jo tha, us ko kiya sar kis ne...

Misl-e-boo qaid hai gunche me pareshaan hoja

Rakht-bardosh hawaye chamanistaan hoja

Hai tunak maya tu zarre se bayabaan hoja

Nagma-e-mauj se hangaama-e-tufaan hoja

Quwwat-e-ashq se har pust ko baala karde

Deher me ism-e-Mohammad (s.a.w) se ujala karde

Aql hai teri sipar ishq hai shamsheer teri

Mere darwesh khilafat hai jahangeer teri

Maasawa Allah ke liye aag hai takbeer teri

Tu musalman ho to taqdeer hai tadbeer teri

Ki Mohammad (s.a.w) se wafa tune to hum tere hain

Ye jahaan cheez ha kya lauh-o-qalam tere hain...