Bubbel Lyrics

S esch ongefähr en woche her

Doch s läuft so onerklärlech onbeschwert

Send de ganz Zit am schribe, d Verbendig blibt

Wache met der uf, schlofe met der i

Sesch so intensiv, mer send all in

Ond i verstoh di, es bez en öberfordrig

Du weisch scho velles vo mer, ned alles esch farbig

Doch wer i oisem Alter esch ned prägt dor Erfahrig

Mer säged ois velles, send gnadelos

Mängisch stockt mer de Atem, ben atemlos

Den du brengsch mi zom dänke, zom schribe

Du hesch mis Läbe scho erwitert

Nor dor dini Art, so härzlech, diräkt

Ben so vell am grense, das Lächle esch ächt

Han so vell gedanke, min Chopf mängisch z voll

Doch be der werder leer ond i fühl mi erholt

Dank der weder Steft ond Papier

I wörd jo säge du bsetztisch magie

Doch i weiss wasses esch, du hesch Härz ond Verstand

Ond das möchti be mer uf dem Wäg woni gang

Du hesch Empathi ond en Energie

So ähnlech wien ich

Ond die Art wie du redsch, d Art wie du schribsch

D Art wie du dänksch, du besch strahlend ond rif

Wet alles wösse vo der, dech kösse am Meer,

Wet es Stöck vo diner Seel, es Stöck vo dim Hern

En Teil vo dim Geischt

So semmer beidi vereint, wennd weisch wasi mein

Wet met der Bäum omarme

Näbe der legge, dini Troim erfahre

Wet wösse was du dänksch, was du fühlsch

Din Verstand esch onändlech ond tüf

Bitte verstoh das ned falsch

Mer esch klar alles fangt ersch grad a

Vellecht werd das nüt, ben ned blend ond naiv

Doch das esch wasi dänk, das esch mis ich

Mis ich esch verzaubert vo diner Magie

Öb das blibt,  jo das zeigt ois nor d Ziit

All in, alles oder nüt

Äntwäder mer falle oder flüge

Mer send i de Bubbel us Loft

En falsche Stech ond alles esch fort

Aber vorsechtig si, esch ned s Ziel

Läbe heisst Risiko, drom gohn ich das i

Ond i hoff besch debi, chom mer flüged devoh

Was wet d Wält ois scho säge chom mer stüred zom Mond

Blibed ide Bubbel oisem Schloss ide Wolke

Ganz egal öbs grad gwettert bletzt oder donnert

Fallsmer doch sette falle jo den hebi di fescht

Ond gnüsse de Flog rechtig Bode bes z letscht

S esch perfekt ond erschreckend wi fescht i das gnüss

Es entfesselt es Für, brönnt sech tüf i mini Gfühl

Vellecht risst er mi fort, vellech gläub ich en Scheiss

Doch i trib uf dem Floss, täuch i dem Vibe

Aber ej, bitte xeh das alles entspannt

Denn nüt mues aber alles chan