Mauri Lyrics

Un metro e cinque tuto verde e coi bafoni

Sula testa due antenoni, calvo drio ma franza blu

Corpo a pero gambe curte oci sinceri

El scondeva i suoi pensieri drio un sorriso, uno in più

Abain e telescopio sempre pronto

El vardava del suo mondo le galassie de la zo

Casa umile vicin Alfa Centauri

Un alien de nome Mauri ala ricerca del suo amor

La man sinistra a corer sula scrivania

Per dedicarghe una poesia

E intela destra el canocial

Passa i ani ma no xe mai tempo perso

Tamisar quel'universo se'l ga ela de trovar

Ogni note lui sognava quela porta

Tuta rossa e un poco verta e lui che sona el campanel

Lui che giusta la cravata un po' nervoso, ela dolce disi "rivo"

Lui pronto col vestito bel

Mi te troverò

Te go sognada te esisti e mi

Sì, te troverò

Ma quante stele che ga sto universo

Tra tute queste ti in quala te son

Ma fussi l'ultima roba te giuro

Amor mio, sicuro, me bati za el cuor

Ma pena te trovo

Mi sì, te vegno a cior

Passa i ani pero Mauri no molava

E un giorno lui dalla carega ancora un poco el xe cascà

Col canocial puntà per caso verso Sirio

Se averava el desiderio, son sicuro la xe la

Cori a cior la sua astronave scantinada

Intel garage impolverada, el poza sul sedil un fior

Per l'amor no xe distanze tropo grandi

Per l'amor no xe mai tardi

E Mauri impiza quel motor

Mi te troverò

Te go sognada te esisti e mi

Sì, te te troverò

Go de contarte de dove son nato

Ridendo de ogni momento più bel

Col cuor che dentro no riva a star fermo

I anei de Saturno, te porto a veder

Ma te prometo che

Mi te troverò

E te ga visto oramai xe cussì

No preoccuparte amor mio perché stago…

Stago vignindo de ti

Come nel sogno el varda adesso quela porta

Tuta rossa e un poco verta el campanel el ga sonà

Mauri giusta la cravata un po' nervoso, ela dolce disi "rivo"

E lui fra poco ghe dirà

Mi te go trovà