Robert The Bruce Aur Ek Makdi Ki Kahani ft. Kartik M Lyrics

Ho... Oh... Chalo bacchon sunaata hoon main, tumhe ek kahaani

Gaur se suno ye daastan, Jo, hai kai saalon Puraani

Toh Tha ek Raja Scotland kaa

Naam Tha uskaa Robert the Bruce

Rehta thaa vo, isi koshish mein

Ke rahein Watan ke log Mehfooz

Tha vo bahadur, tha vo hoshiyaar

Scotland mein thi bas, usiki jai jai kaar

Scotland mein chaee thi bas khushhaali, Ki ek din, chaayaa Gham ka mahaul

Kyonki England kaa raja, karna chahta tha, Scotland ke raja se jung

Hmmmm....Robert nahi tha peechey hatney waalon mein se

Pohonch gaya vo yuddh mein,Sipaahiyon ko sang

Jaan Ki baazi di lagaaee thi usne

Ho gaya vo yuddh ke rang me rang

Toh shuru ho gaya ghamaasaan yuddh

Yuddh mein, Robert ke, bohot saarey sipaahi mare gaye

Aur vo, bechaaraa, jung mein, haar gaya

Uski sena bikhar gayi aur Robert darkar, junglon ke ek gufaa mein chip gaya

Hmmmm... Apne aap se baatein hi vo kar raha tha

Tab usne dekha Ki, gufaa mein ek makdee

Jaal bun rahi thi, Gir kar sambhalkar

Apnaa ghar vo bana rahi thi

Jab bhi voh... apna jaaaaaal bunney ke liye,Chalaang lagatithi

Voh makdee, bechari, phisal kar, gir jaati thi

Lekin Bina haar maaney, vo phirse niche se, upar ki or chadh jaati thi

Hmmm... Hua yeh kai baar

Ek do nahi… chey - chey baar

Par jab usne koshish Ki saatvi baar

Ho gayi vo is imtehaan mein Paaaar

Ho... Oh... Robert ke man mein ek nayi, aasha Ki leher jaag uthi

Robert ne socha, Ki gar ye makdee, jeet sakti hai

Toh main… kyun nahi

Toh karkar ikattha apne sipaahiyonko

Gaya ladne phir jungko

Jeet gaya Robert jung mein is baar

Ho gayi phir se uski jai jai kaaaar

Toh bacchon… is kahaani se hamein yeh seekh milti hai ki

Koshish karne waalon Ki, kabhi haar nahi hoti