امتحانات ومذاكره

ودماغي ولا فاهمه

كل ما احفظ معلومه تطير فجأه

كل اللي بحفظوا ولا ليه اي لازمه

ملازم ملازم ملازم ملازم

مش فاهم ولا حاجه كلام مش متوازن

في بيني و بين المعلومات كده خط عازل

اتجننت اتعصبت اتقفلت خدت بعضي قومت نازل

ماما وقفتني علي الباب قالت لي ارجع يا زفت للكتاب

ماما دماغي جالها التهاب

هاخد بريك شوية علي اللاب

انت لحقت تذاكر يا هباب

يا ماما تعبت هيجيلي اكتئاب

طب ممكن اروح اذاكر مع صديقي في الرحاب

خش ذاكر ياض لديك علي وشك بالاوباب

دخلت الاوضة بتاعتي حاسس باحساس مريع

امي ساحبة اللاب عملت نفسي ماسك كتاب بذيع

تحت الكتاب فاتح الموبايل بشوف النسوان علي انستجرام

في بت موديل اسمها مي بكرش عليها من زمان

ببص لاقيتها ردت عل هاي ال بعتهلها بقالي كتير

فرحت قولتلها ما تيجي اعزمك علي عصير

روحت قبلتها قلبي اتقبض

طلعت شبه بواب بيتنا عبدالصمد

شوفتها حاسيت هيجيلي مرض

صورها طلعت فوتوشوب و غلط

عديت علي واحد صاحبي كلمته ينزلي برا

نزل فكرنا هنروح فين طلعنا علي القهوة زي كل مره

قالي افتحلي هوت سبوت خلص لي النت ابن الصرمة

الوقت اتاخر بقولك ايه قوم نجيب الملازم يلا

عدينا علي واحد صاحبنا نييييرد نصور ملازم الدرس

اعدنا نشخبط ونكتب علي الملازم اي كلام في الهلس

عشان لما اروح يشوفوا الملازم ما يشكش اني بكت من الدرس

هقلب فلوس الحصة زي الباشا كله ياباشا بثقة النفس

روحت البيت لقيت ابويا بالحزام علي الباب

مش قايلك متتاخرش عن ١٢والا هحبسك في الدولاب

الساعة ١٢ و ٥ دي ٥ دقايق مش مستاهلة عذاب

داب لاقيت نفسي في الدولاب

عدت السنة بقي فاضلي يوم واحد علي الامتحان

كالعادة بحب ااجل المذاكرة لليلة الاخيرة عالسخان

اذاكرلي ساعة واحس بعدها ٣ ساعات اننا تعبان

اسيب المكتب واعد اذاكر علي السرير لحد مانام

اصحي اليوم اللي بعده علي صدمة الامتحان

مش فاكر اي بتنجان

الورقة مليانة الغام

واقف عليا مراقب زهقان

بيشرب سجاير وعرقان

بينفخ في وشي الدخان

توتر في كل مكان

طب اطلع اي برشام

يبصلي المراقب كمان

استئاذن اروح الحمام

الاقي مراقب ماسك حزام

ملحقش اقفش اي كلام

لاقيت جنبي صديقي هشام

اناديه ميردش الجبان

الورقة تتسحب كمان