Dürschout Lyrics

Si wei likes uf insta für Spa uf Flims ga

Mache d Gyms klar, 24/7 startklar

Das aues für chli Serotonin

Fiuter clean, ready füre Fototermin

Ihladige für network marketing

Aues selfmade weisch Uni isch ni mis Ding

Gwinnsch jede Kund mitem richtige «wording»

King im Gäud usgä für bling bling

Nume konsumiere, lassy d Härkunft

Symptom bekämpfe blind wo d Krankheit här chunnt

Viu dänke u weni füehle

Ablänke i däm si lieber angeri füehre

Wach uf, bis eloquänt

Gib dir säuber d Liebi du bisch intelligänt

Du hesch aus wode bruuchsch für dis Glück

Fauschi Ahreiz enttarnsch du ab hütt

Tarnti Abhängigkeite, has dürschout öies Spiu

Gib mir nume dis Lächle i bruuche nid viu

Tarnti Abhängigkeite, has dürschout öies Spiu

Gib mir nume dis Lächle i bruuche nid viu

Zersch mau au Optione off lah

E Tag vor der Party Absag u Zoff ha

Netflix and chill ufem Sofa

Hommage a Nachbar wo z wlan of laht

Säge sige komplett säubschtbestimmt

Während rächtzytig abstimme doch nid glingt

Z porte-monnaie so läär bi däm Salär

Isch ja prekär zahle d Rächnige när

Algorhythme wo kontrolliere

I welere bubble mir zirkuliere

Abhängigkeit isch nur es Wort

Ei Entscheidig u es änderet sofort

Gueti Absicht uf aune Spiuplätz

Machs mit Härz wöu scho mänge spiut lätz

Tuusch di us mit jeder Generation

Gang online mit dire Intuition

Tarnti Abhängigkeite, has dürschout öies Spiu

Gib mir nume dis Lächle i bruuche nid viu

Tarnti Abhängigkeite, has dürschout öies Spiu

Gib mir nume dis Lächle i bruuche nid viu

Du gsesch d Wäut – nur so wi du bisch

Dini Bewärtig - seit meh über di aus mi

Es git ke gradi - Massstäb im Läbe

Doch d Lüt wei öppis - für sich dranne z häbe

Du gsesch d Wäut – nur so wi du bisch

Dini Bewärtig - seit meh über di aus mi

Es git ke gradi - Massstäb im Läbe

Doch d Lüt wei öppis - für sich dranne z häbe

Tarnti Abhängigkeite, has dürschout öies Spiu

Gib mir nume dis Lächle i bruuche nid viu

Tarnti Abhängigkeite, has dürschout öies Spiu

Gib mir nume dis Lächle i bruuche nid viu