Zwüsche einisch und för immer Lyrics

Hey wie chönti di Blick vergässe

Du bisch scho meh als es Tinderträffe

Vellecht Liebi ufe erschte Blick

Doch vom Tindere hani scho Blindefläcke

Und drum simmer vorbelaschtet

För s'nöchste Date im Rosegarte

Chum mir rede nid vo Polterabe

Den im Schwigä isch s'Gold vergrabe

Und sie so: simmer doch lieber ehrlich

Nume Lieder die si för ewig

Und ich so: i wörd di nid id Pflichte neh

Denn Liebi cha mr nid versichere

Und drum findsch üs, zwösche Brunche und One-Night-Stand

Ds isch Romantik vo dem Jahrzähnt

Chum mir träffe üs ir Mitti

Zwösche einisch und för immer

Wo sich Fuchs und Haas verabrede

Nachre guete Nacht verabschiede

U mir nid wösse, ob mr sich wieder gseht

Will mir vom Wese her verschiede si

U nachem Rammle wotsch mi Jage

Vellecht söt ich's gar nid wage

Mir sind öpis zwöschedrin-drin-drin-drin-drin

Zwösche einisch und för im-im-im-immer

Mir sind öpis zwöschedrin-drin-drin-drin-drin

Zwösche einisch und för im-im-im-immer

Und mir si nid vorbestraft

Aber als Komplize tatverdächtig

Will mir kille dr'Vibe mit dr Zit

U verstecke de d'Liche bi dir im Estrich

U ds heisst, du wörsch kille för mich

Aber brichsch mir mis Herz wenn's för immer muess si

Drum chum entscheid, ob mir Opfer bringe

Ob för einisch, ob för immer

Und ich so: wär schad wär's nume einisch

Baby du bisch scho vellecht die Richtig

Und sie so: wär's ernst wörd's nume verleide

Drum lömmers doch mit dr Witsicht

Und wieso? si die guete immer Singles

Si weder einisch no för immer

Lieber öpis zwöschedrinne

Chum mir träffe üs ir Mitti

Zwösche einisch und för immer

Wo sich Fuchs und Haas verabrede

Nachre guete Nacht verabschiede

U mir nid wösse, ob mr sich wieder gseht

Will mir vom Wese her verschiede si

U nachem Rammle wotsch mi Jage

Vellecht söt ich's gar nid wage

Mir sind öpis zwöschedrin-drin-drin-drin-drin

Zwösche einisch und för im-im-im-immer

Mir sind öpis zwöschedrin-drin-drin-drin-drin

Zwösche einisch und för im-im-im-immer

Weti liebe oder troime

Wördi liebe, wördi treu si

Doch wördi lieber mine träum nahgah, da dra gits doch nüt z'bereue

Denn üsi Träum die sind unbegrenzt

Doch üsi Zit die isch knapp berechnet

Und ob die Zit för üs beid längt, we mir üs nid einige

Chasch de grad vergesse