Koshish karne se bhi pehele hosla khatam

Likhne betha to meri ruk gyi kalam

Socha manzil na milne wali muje is jannam

Samander se bhi gehre huye mere ye zakham

Fir yaad aayi ghr walo ki bholi si shakal

Beshak ye time mera nhi hoga mera kal

Har pal mujhko kehte gyanii kuch na hoga Rone se

Itni jaldi himmat haari sda rhega kone pe

Kal kon sath the aaj kon saath hai

Piche mudkr dekha aaj koi nhi hai sath me

Wo zehrile saamp hai dekhe uspaar se

Tu chirfaad de door jhuthe pyar se

Manzil bole mujhe aage badh

Haath per faila dekh aayege wo par

Tu koshish to kar kal milega wo fal

Sab daude aayege jab hoga tu saphal

Mai to mehnat karta hi gaya

Apni raah mai khud chunta hi gaya

Shayd tab jaake pahucha hu mai us mukaam pe ki ghar wale uthate sar ab bade shaan se

Manzil wahi hai tu dekh sahi se

Raste anek tu chal to sahi se

Adhure sapne pure kar de khud tu kamaan chhod shabdo ka tir re

Sache dost kam baaki har koi nakaab me

Aankh meri khuli par fir bhi dekhta khwab mai

Nind bhi aane lage kehta aana baad me

Is andheri raat me chhupaye kitne raaz mai

Dukh dard pyar ki mene kabbar khod daali

Ab duniya waale kehne lage tu to bada bhagyshaali

Khud ko jalaa dala tab hua hai ye ujala

Kismat mene khud badli mai na tha koi kismat wala

Log jitna soche ye itna aasan nahi tha

Duniya aaram me or mujhe aaram nahi tha

Udaan meri unchi par uncha aasmaan nahii tha

Gam ko bhula de par esa koi jaam nahi tha

Jeb khali thi bhukha soya mai

Sapne dekhe the usme khoya mai

Jo bhi boya tha wahi paya mai

Roshni se pehle rha kaale saaye me

Jinhe aaj meri baate lagti nhi thik

Kal meri baato se hi le lege wo sikh