Sarap Mag Rap Lyrics

Napaka sarap mag rap, pangarap yan

'Di ako nagpapanggap, dami lang kasing ganap

Sa buhay ko kaya minsan lang makapag lapag

Sabi nila ako'y napag iiwanan na pero 'di pa rin natitinag

Tuloy sa pagsulat gaganapan hanggat makilala't maging tanyag

'Di mo kayang mabali 'to, pundasyon mas matigas sa asero

Subok isang daang pursyento, palag kahit pa dehado ko

Lalagpasan, hihigitan, sasagarin kahit pa igapang ko

Oh kulang pa bang pinakita ko, hayaan mo umpisa pa lamang 'to

Sinagasa ng unos, "lakompake" Pakyu ka 2022

Ginawang tungtungan, mga pinagdaanan hanggang sa makaraos

Mas nakilala pa ang sarili, hindi sa swerte dumindepende

Mas gagalingan pa ng triple, ganado parang katapusana na at akinse

Utak ang mas pinapagana, sa proseso malaki aking tiwala

Bawat galaw masasabing meron kita naman sa ebidensya

Noon sa ngayon kahit ikumpara, mas lumaki ang diperensya

Hindi na limitado ang galaw, parang nakawala sa mata ng pidea

Hindi kailangan makipagsabayan, alam ko sa sarili ko na may napatunayan

Musika dala-dala hanggang kamatayan, ang mahalaga wala akong tinatapakan

Hindi hadlang ang bawat humarang sasagasaan ang mga kaawa awang nilalang

Na walang ibang ginawa kun'di matahin ang likha ng iba samantalang yung kanila matabang

Palaging tinatanong gaano mo ba kamahal, Ano pa bang mga kayang isugal

Kailangan ba na magmalalim, mga banatan ng mga makabagong lirisismo't teknikal

Mga barang hindi lang basta binara-bara, agresibong umandar wala na akong balak pumara

'Di na uso salitang maya-maya na, sa halip gumawa ng paraan sa abot ng makakaya

Inasawa ang pag-sulat ginabi-gabi, tugmaan na pinipilit mapag-tagpi-tagpi

Akala mo retasong tinahi-tahi, nagpapahinga lang kapag naiihi

Ang makilala sa napiling propesyon dami nagsasabing malaki lang daw ng ilusyon

Kung gano'n, di ko titigilan to' hanggang masabi mong, tangina pa'no niya kaya nakaya yon

Nais pang mapabilib aking sarili, kapag nilimitahan di ka makaka-abante

Imahinasyon mo lang ang salitang imposible, dedikasyon, patuloy ka lang na lumagari

Makinig sa magandang suhestyon, pangit mong nakaraan gawing motibasyon

Ako ay isa sa pinakabaliw na tao, musika ang gamit na medikasyon

Nakakasarap mag-rap, yan ang totoo, di ako nagpapanggap

Dami lang kasing ganap sa buhay ko, kaya minsan lang makapaglapag

Sabi nila ako'y napag iiwanan na, pero di pa rin natitinag

Tuloy sa pagsulat, gaganapan hanggang makilala't maging tanyag