CHAĪ WA 14 Lyrics

Muugaga mwanathiĩ mwanathiĩ

Mũtarĩ mwakinya botini

Muone rũgiri rwa kaiyaba

Ndĩmwĩre rũkĩenjwo gĩthũngũ.

Cai ũrĩa twanyuire botini

Ndwarĩ ta cai warĩ mwago

Tondũ twanyuaga na iciko

Andũ aitũ ũremete ikombe.

Ngũkũ ĩrĩa twarĩire botini

Ndĩarĩ ta ngũkũ yarĩ thenge

Tondũ twamĩitaga na mĩcakwe

Andũ aitũ ĩremete ibindo.

Rendi ĩrĩa ndonire botini

Nĩ ya nyondo inya ta cia ng'ombe

Mũciĩ ũcio nĩngwĩandĩkithia

Kaba nĩi njehage thithinda.

Ndonire rendi ya macuka

Ngĩĩra mũthũngũ njoha maica

Tondũ wanjoha mĩeri ĩtatũ

Ngwĩre niĩ no tũgathiĩ nake.

Riika rĩakwa rĩagũranire

Naniĩ ngĩtigwo ndĩ o rahainĩ

Ngũria ngakora rendi ciathira

Ngai baba hurie mathuuro.

Nĩatĩa Mũsaimo mũrũ wa Njeeri

Watũũra Rũirũ wĩkaga atĩa

Watũũra kweli ũtũmanagĩrwo

Mũsaimo aciari manathĩĩna.

Maitũ anyonire ngĩikũrũka

Akĩgwa na ngemi na gĩtiiro

Mwana worire na ng'aragu

Andũ aitũ no hĩndĩ agũcooka.

Ngiuma kwa maitũ wanjiarire

Nduragĩria ndu makũmbĩinĩ

Ngahoya Ngai anjĩtĩkĩrie

Ũũi thiĩ ngamũkora thayũ.

Maitũ akĩgũrũo no ndonaga

Nĩ nĩi ndaringĩrĩirie baba

Ngĩmwĩra nake ũyũ ti mũũru

Baba agũkuagĩre mondo.

Mũirĩtu njong'i rĩrĩa eekũrio

Nyina athekaga o na kamwena

Mwana wakwa ndwĩtĩkanĩre

Nĩguo niĩ ngoona gwa kũroka.

Kwagĩte mũthuri mũkũrũ

Ũngĩgũra maitũ ngũre mwarĩ

Twĩtanage wandukanĩirie

Mũirũngũ cuumbĩ na cukari.

II

Nĩnguuga ngũria nĩndĩraigua

Mũsaimo witũ mũrũ wa Njeeri

Ũkuuaga manoti na bunda

Ngiri ndĩciaragwo na mũndũ.

Njoohi ya mwana ndikainĩra

No ĩrĩ ya mbeca ndĩ ũndũ ngoiga

Ngacookia guoko na mũhuko

Niĩ njuge ithuothe nĩ tũrĩĩo.

Ngũthiaga Kĩrĩmabogo

Kĩratũ kĩauma mũcumarĩ

Ndaririkana kũrĩa ngũthiĩ

Andũ aitũ na kũrĩa ngũcooka.

Ngaari yagwĩte Thaba Thaba

Ti ta kũgwa nĩ ta kũgwetwo

Tondũ yaakomete na ngara

Andũ aitũ ta mbũri ĩgũthĩnjwo.

Kĩnyũthi ũrĩa wenjaga Iratĩ

Na wa Maragua nĩngũmeenda

Njwĩrĩ ĩno yakwa ĩrĩ kũigana

Na nguona ta ĩkwenda kũbaarwo.

Mũka wa mbũri kwaria wega

Nake wa mbeca kwaria ũũru

Nake wa mbũri eĩkagĩrĩra

Hĩndĩ ĩrĩa egũikia mbembe ikũmbĩ.

Mũgambo ũcio ũkũnjigua naguo

Ti wa gũciarwo nĩ wa gũũka

Wookire na rendi ithathatũ

Na hũũni ciothe ĩrĩ mũgwanja.

Mwarĩ wa maitũ gũrwo gũkũ

Ngooka gũceera Njumamothi

Ndĩ wa gũthĩnjĩrwo thĩnjĩrwo

Wa maitũ nĩtwaciaranĩirwo.

Kariũki wa Makenye ngwĩre

Rĩrĩa twĩ kĩrabu kĩa njoohi

Twanyua twarĩĩo kĩndũ iteendaga

No itherũ na mũka wa mũndũ.

Kaara ndahũũrĩirwo Wanjengi

Ngiuma Mũgoiri kuona mwendwa

Ngĩtuĩkania Iyego na nduma

Na nditue ũndũ wa mwene thĩĩna.

Kĩbindo gĩakwa nyegenyũka

Nguona ta ngũrorũo manyiira

Na ti nyama ndakũgũrĩire

Nĩũĩ baba ti gĩtonga.

Ngũhenererio na rũrĩmĩ

Na nyoori kenda cia mwena ũmwe

Ngoima mũgwanja ngũruta kũ

Mũsaimo mũndũ ũtarĩ andũ ao.