MAMAALVIRA Lyrics

N'kre faseba es musika tristi, mas Mama

Tristeza na bo ka izisti

Laguas ta pinga di nha odjo, nta rikorda

Vontade bo nunka u ka dexam frakisi

Dixiplinanu, edukanu pa nu manti longi trakinisi

E bo ki ta skodji kel kor kin ta bisti

Alertano mo ki nu ta vive

Ka dexanu kria na iluson, pa nu ka imbrabisi

Tudu kin tem na nha kabesa e bu spterteza

O'ki sol ta brilha, e bu beleza

So ta restam memorias di bu grandeza

Bu sta na lado kes mudjeris di Mundo y ses rialeza

Bu nomi e simbolo lideransa sima

Harriet, Amina, Inzinga,Titina

Abo e um melodia

Abo e um poesia

Txuba, tempestadi, strubom, panhau na bu trajetu

Ma nunka bu ka larga bu kria

Sempri koraji fitxadu

Bu ponu di dianti, abo di traz, bu ta guia

Na bu kasa bu manti, ordem dixiplina

Abo e rainda di nha freguezia

Abo e um strela ta brilha

Abo e padaz di nha Vida

O, Mama undi bu sta

Ma bu storia inda ka finda

Ponta lagoa, Midjo branko, Spinho branko

Txom bom, Ribeira da prata

Sta di luto pamodi bo Mama

Tudu alguem ta purguntam pa bo mama

Abo e arvore di vida

Ma bu fidjos dja ka kria

O mama ka bu preokupa

Nu sta li ta labuta ku vida

Bu trassos, bu passos

Ma inda ta kontinuaaa

MaMa es ta fla ma mudjer e padaz di homi

Ke simbolo aliansa di matrimonio

Mas, mama bu tem mas storia

Ki humanidadi ku si patrimonio

Vizinhos da konta, di mudjer

Di bom korason, bom kosta

Protetora igual a peritonio

Timbre de bu folgo potente

Ta vibra moda eufonio

Testemunha medisina tadisional mekonio

Bu konsedjo e um spedju

Nhas amigos ki obiu

Ti inda es ta lembra bu palavras

Mama, bu voz ka ta bedju

Rapaz di"X" ka ta s'kesebu

Pa bo es ta pidi di duedju

Ntem um mantenha pam mandau

Di nhas parsas di infansia

Mixon ku Tibedju

Abo e doxi, bu tem sabor

Ki sedu palmanhan min nkre purba

Nta lembra nta trisa

Pam karapati na bu kurba

MaMa

Na stradas di vida

Bu guiam, bu inxinam

Bu libram di kes prigo kurva

Bu ragas e nha bersu

La kin passigua

Horas ki nha korpo txumba

Bu kuspinhu limpam

Bu sor ki labam, mama

Sedu palmanham, bu ta kordam

Bu ta ba buska bu ta dan

Nem nu ka tinha txeu

Ma nunka nada ka faltam

Mama

N'sa fla di mi, ma e ka so mi

N'sa fla di Ana, Ismael, Karine y di Zi

Na voz di bu nora Lili

Di bu neta Liliana di Jose

Y tambe di bu familiar Fifi

Oxi mundu korda, mas pobri

Sem bu alma, sem bu voz

Mama

Sayza, Aeyzel

Thayla, Crislaine

Ta pergunta pa bo

Abo e um strela ta brilha

Abo e padaz di nha Vida

O, Mama undi bu sta

Ma bu storia inda ka finda

Ponta lagoa, Midjo branko, Spinho branko

Txom bom, Ribeira da prata

Sta di luto pamodi bo Mama

Tudu alguem ta purguntam pa bo mama

Abo e arvore di vida

Ma bu fidjos dja ka kria

O mama ka bu preokupa

Nu sta li ta labuta ku vida

Bu trassos, bu passos

Ma inda ta kontinuaaa