اكون او لا اكون Lyrics

لو ما

عندك هدف بنصحك تبدا

حط هدف حتى لو ما كان بتصدق

تمسك بأحلامك رح تتحقق

ولو طالت

مهما عليك بتديق

فلا تحلم على قدك انت اللي بتعرف شو بدك

بالعزيمة و الاصرار مافي قوة فيها تردك

مع الصبر و التكرار تعاب عحالك ليل نهار

مهما صار بيجي يوم بتلاقي حلمك وصل عندك

الفشل ما بيعني نهاية الطريق

الاستسلام هو الوحيد اللي بخليك تبقى غريق

كون جريئ لا تتردد لا تعتمد عالامنيات

بالطموح والارادة فينا نعمل معجزات

لا تهتم غير بحلمك

لا تسأل عحدا ترا ما حدا فيهم عم يسأل عنك (عم يسأل عنك)

ما حدا الخير بردلك

ما حدا بريدك تكون افضل منه الا ابوك وامك (الا ابوك وامك)

لا

وألف لا تتخلى عن هدفك

على اخر نفس تمسك

شو ماكان يكون

لا

ما تسمع من

اي حدا بيذكر فشلك

وبحاول يقتل املك

مين ماكان يكون

لا تتطلع ابدا ورا

الماضي بصفحة بينطوى

أخطائك درسك للنجاح (أخطائك درسك للنجاح)

لا تستسلم مهما جرى

اهدافك اوعا تغيرا

حتى لو تعبك كله راح (لو تعبك كله راح)

بين الوعي واللاوعي والبعد عن كتر اللعي

والسعي كالاصمعي نحو تحقيق هدف منشود

حبي دبي حبي دبي حتى باختلاف الرأي

بين الذكي و الغبي مافي الا تفكير محدود

فلا تحزن على ماضي على خسارة كل شي رحل

خليك بتفكر بالحاضر كيف تستهدف المستقبل

يلي مضى حصل لا لليأس بعد الفشل

لا للكسل رغم الألم بلا بصبر بلا امل

لا تيأس ولو كل شي بنيته انهدم

متل ما بنيته اول مرة فيك تكون شي أحسن

بين الواقع والاحلام ممكن تخلق الآلام

لولا الحلم مع الألم اللي قبلك كان استسلم

لا

وألف لا تتخلى عن هدفك

على اخر نفس تمسك

شو ماكان يكون

لا

ما تسمع من

اي حدا بيذكر فشلك

وبحاول يقتل املك

مين ماكان يكون

على الرغم من الخوف من الشك من القلق

لا تفكر بالعوائق انت بس ركز عالفرص

كيف تخلق الفرص

كيف تكون الفرص

كيف تنتهز كل الفرص ما ترضى بفرصة و خلص

فخلي نظرك عالنجوم ولو كنت على الارض

هدفك لا تتنازل عنه حتى تصير تحت الارض

القناعة بتعمل حد يبعدك عن قمة المجد

خليك عم تحاول توصل هدفك كأنه فرض

خلي قوة العزيمة عندك ما في شي بردا

كون واثق من نفسك انك رح تكون قدا

طنش ولو كل العالم قالوا عنك مجنون

To be or not to be

أكون أولا أكون

لا تستسلم لما توقع

الضربة قد ما كانت بتوجع

داما ما قسمت لك ضهرك بتقويك (داما ما قسمت لك ضهرك بتقويك)

بكرا لما حلمك توصل

اهدافك تتحقق وتحصل

رح تتشكر كل اخطائك اللي حصلت بماضيك

لا

وألف لا تتخلى عن هدفك

على اخر نفس تمسك

شو ماكان يكون

لا

ما تسمع من

اي حدا بيذكر فشلك

وبحاول يقتل املك

مين ماكان يكون

لا تتطلع ابدا ورا

الماضي بصفحة بينطوى

أخطائك درسك للنجاح (أخطائك درسك للنجاح)

لا تستسلم مهما جرى

اهدافك اوعا تغيرا

حتى لو تعبك كله راح (لو تعبك كله راح)

لا تتطلع ابدا ورا

الماضي بصفحة بينطوى

أخطائك درسك للنجاح (أخطائك درسك للنجاح)

لا تستسلم مهما جرى

اهدافك اوعا تغيرا

حتى لو تعبك كله راح (لو تعبك كله راح)