Art totau (occitan) Lyrics

Lei carrieras que sèmblan cordurar

un prim linge d'oustaus enregats

Lo caladat fixat ambé tanta precision

Pòrta la marca d'una vielha tradicion.

Lei fachadas aliscadas, ciseladas d'amor

Pèiras e fenèstras s'elèvan sènsa error.

Lei vòutas e arcadas ambé tant de mestritge

Cant de la ròca dins de solennes vestitges.

Art enfre toei leis arts, simetria dei sòmis

Lo compàs dau temps dralha sei règas

Emai lo pus umble maçacan

Es un còdi secret, un saber ancian.

Dins lo teatre roman, lo saber antic

La pèira simbolica d'un gaubi tecnic

Aqueducte qu'estraça lo cèu ros

Pòrta l'aiga e la vida, tot doç.

Lei volutas baròcas ornadas de fuèlhas

Es un art que parla ambé l'ombra e lei vèlas

un simple fronton dins lo cèu si duèrbe

Fin a la teulada qu'a la perfin lo recuèrbe.

Art enfre toei leis arts, simetria dei sòmis

Lo compàs dau temps dralha sei règas

Emai lo pus umble maçacan

Es un còdi secret, un saber ancian.

L'urbanisme estira lei viás ambé vigor,

Lei plans d'urbanitat son de pinturas de rigor,

Taranina teissuda coma un tablèu,

Dins lo bacelar de la ciutat que náisse dau soleu.

Lei bastiments, estructurats amb armounia ,

Rebatan l'engenh e l'estetica en sintonia.

Cairon malonat, betum fibrejat

A cha pauc si vei un proditge enaussat

Art enfre toei leis arts, simetria dei sòmis

Lo compàs dau temps dralha sei règas

Emai lo pus umble maçacan

Es un còdi secret, un saber ancian.

Dins lei torres e lei parets, la pèira cascalha,

Pèça dau grand tot, que lo temps si l'entalha.

E nòstrei vilas, nòstrei vilatges emai masatges

De nòstre pòple son lo vertadier paratge