Nahki Maa El-Hoot Lyrics

ماعادش عارف كان مازالت الأرض تدور

ولاّ أنا واقف في راصي نغزر للأرض ندوخ

صحراء

تاكل في زرعي و تدفن في الحيّين قبر

صحراء

تاكل في أرضي يدينا تدعي للمطر

ماعادش عارف لاش النّاس تجيب صغار

تكبر بين أمراض الدّولة و شعب الدّولة و الرّوقار

دولة

يمشي طحّان يجي طحّان يرجع طحّان

دولة

تروي في الوتلة ومولى الدّار يبات عطشان

قلّي

شكون شاف الطّير الّي مهاجر لينا ماعاد يزور؟

شكون شاف النخلة اليتيمة نشفت بيها العيون؟

عروق إيدي بانو و دُاوّري غطّاه رمل العروق

ماباقي في جنّة الي كانو كان ملح تراب و شوك

هذا بيدينا الّي جنينا علينا وعلّي جايين

هذيّة رباية خاطينا زبّل مانا كاريين

أسأل إلي شروها و شرونا و شرو الشرّاد الزّين

أسأل لي باعو صحرتنا و صحوتنا للخليج

Stand and contemplate the quicksand

Arises to bring down the rest of your fate

Rotting in slow decay

Stand and contemplate the ocean

Arises to wash out your hate with the waves

Rotting in slow decay

ماعادش عارف كان الكلمة فيها صوت

ولّا أنا ضايع في بحري و باقي نحكي مع الحوت

موجة

تاكل في شطّي و تدفن في التّاريخ نسوه

موجة

تاكل في أرضي تباعت للّي دفع السّوم

ماعادش عارف لاش النّاس تجيب صغار

تكبر بين أرواث البغلة و شعب البغلة و النظام

دولة

يمشي طحّان يجي طحّان يرجع طحّان

دولة

تصدّر في الدّقلة و في الغلّة و تجيب في خرا الطليان

شكون شاف الطّيرالّي مهاجر لينا ماعاد يزور؟

شكون شاف الطّير الّي مهاجر منّا ماعاد يعود؟

واحد يتمنّى في صنّارة من عند ملك الموت

ولاخر يصطاد بالكركارة و الحوت ياكل في حوت

هذا بيدينا الّي جنينا علينا وعلّي جايين

تا يجينا نهار يطيح فينا الّي عملناه في الاخرين

جهنّم في طبرقة تلاجي تروي عطش العطشانين

اليوم اخر حلقة في مسلسل قابس تشرنوبيل

Stand and contemplate the quicksand

Arises to bring down the rest of your fate

Rotting in slow decay

Stand and contemplate the ocean

Arises to wash out your hate with the waves

Rotting in slow decay