Ehsaas Lyrics

Laut ke iss raaste pe tum kabhi jo aaoge

Ehsaas toot jaane ka mahsoos kar bhi paoge

Jaha choda tha mujhko uss raaste se ghuzro

Jhoot tera sach yeh mera fir tarazuon main paoge

Na saath hone ki mujhe kya tum wajah bataoge

Jaise kiya tha maine khud ko maaf kar bhi paoge

Dil main tere aaj bhi jo ankahi si daastaan hai

Kabhi milke mujhse tum wo daastaan sunaoge

Main sochta hoon ghar ke paas tere he makaan lu

Ke jab bhi dil karega khidakiyon se main nihaar lu

Tu saamne bhi aayegi toh shikwa na karunga

Bas halki si muskaan du aur aasuon ko poch lu

Ek pal main khush ho jata hoon ek pal main main niraash bhi

Haan tu badal chuki hai lekin main wahi hoon aaj bhi

Khwaabon bhi na ishq ab dobara ho sakega

Tu door hoke bhi hai aasuon main mere saath bhi

Main ped ki tarah tha chaav main tu jiski baithi thi

Main wo tha khali panna jispe khaab apne likhti thi

Jab na tootte sitaron pe tune manga mujhe tha

Fir kyu gham main mere saath sirhane mere rehti thi

Kaise karu bayaan ki mujhse puchta zamana

Kyu tu door hogyi hai khatm karke yeh fasana

Dil main aaj bhi ek aas tere aane ki lagi hai

Bas yahi ab tammanah mud ke dekh tu dobara

Jaanta hoon tujhko kabhi bhi na paa sakunga ab main

Dil se tere yeh nishaan na mita sakunga ab main

Aake dekh mera haal kya se kya main ho gya hoon

Tu jo saamne aayegi chupa sakunga na kuch main

Ishq mujhko he mila nhi toh kaise main wafa karu

Tu he thi meri tishnagi tu he thi meri aarzoo

Chataon se haasil tujhko kaise main karuga

Ab tu he saath hai nhi toh yaadon ka main kya karu

Kya matlabi thi dosti wo matlabi thi Aashiqui

Kya main nhi tha wo jiski tab tujhe talaash thi

Kyu khai thi wo kasmein mera haath tham kar

Wo saari baatein teri pyaar ki kya kagazi thi

Khada hoon main akela par tu dekh meri saadhgi

Door jaake khush rahe dua main deta aaj bhi

Hoon tujhse thoda main khafa fir bhi karta hoon dua main

Hona jab bhi tu niraash mera naam lena aaj bhi