Realtalk Lyrics

Dehei scho sit Mönet, s isch als steck ich ime Käfig

Und hoff dass es sich wie Selbstmörder gly erledigt

Immer seltener duss, schlechti Luune vom Fruscht

Und dr Weg zum mich wegbewege digge schient so ewig (true)

Depressione wo mich abeziehnd grad, wenn ich Auto fahr Panikattacke (faxx)

Ayy, zum mich fasse muessi warte, bieg ab

Und bi gnervt dassi gar nix cha mache (nix)

Jä, ich hoff nur dass sie loyal sind to me

Momentan kämpfi mitere soziale Phobie

Cha nit schloofe, ich denk noche wie ichs

Lüüt chann erkläre

Doch es git halt zu viel Züüg zum verzelle, ich weiss nit fo afo

Ich will renne doch ich weiss nit wo ane

Kapiere cha es kein wos nit gha het, de Scheiss de belagert

Scho sit paar Wuche mi Kopf

Loh es use digge numme bi Songs

Seg dir ehrlich, ich hann nit moll Luscht zum rede

Bi uf null me seht es

Doch machs Beste drus und seg mir "Donnie digge nutz die Fehler"

Wie me merkt goht es mir aktuell wirklich schlechter

Weil ich steck grad im Duell mit mir selber und verlier es

Cha nit liebe, weil so Phase mich mitnemme wie Fahrgäst

Für die Ablenkig ey hilft es wenni Parts rap

Denk nit an das ufgeh, nur quick dass ich es klarstell

Kämpf drgege ah und das bis zu miner Grabstett

Hilf andere gern aber selber hanni nit e Schlüssel (nei)

Ehrlich gseit isch de shit bedrückend

Ziet heilt alli Wunde dasch dr einzigi Trost

Dene wo das glieche hend, digge zeigi wies goht

Du muesch viel ziet für dich selber neh und nochdenke (faxx)

Egal au bi starkem Wellegang das Boot lenke (faxx)

Und sich selber immer wieder vieli Lob sege (faxx)

Digge, s Träume muess me gross bis zum Tod lebe