Tik Tak Lyrics

Kot militan m yo? Kot sòlda m yo?

Tout nèg an fòmasyon

Se mèt kò k veye kò

Ayiti pa gen zanmi; se ennmi sèlman

Tik tak, tan w bout, mwen pral eklate

M kanpe an kamikaz, m bouke manifeste

Lè yon chen kwense l blije pèdi bon sans

Lè l pran devore na di l pa gen konsyans

Lemond ap gade Ayiti yo di quelle image

Nou tounnen lonbraj, peyi n tonbe nan toublay

Twòp move nouvèl, m bouke bwè te vèvenn

Kilè pou n revòlte, twòp avèg mal mennen n

Grandans, Sid, Sidès, Nip

Nòdwès, Nò, Nòdès ak Latibonit

Sant, leve anvayi depatman Lwès

Ayisyen revandike n bouke jere strès

Yo sakrifye yon lidè pèsòn pa di tèk

M ka konprann paske pa gen sispèk

Zèl sapat pa rantre zam, tcheke nèg ak vès

GPS ka ede w jwenn yo nan depatman lwès

Tanpri ti mesye depoze l non fam

Vire fas, vize nèg ki ba nou zam

Yon sèl kolektif, yon sèl objektif

Bwa kale nan dada yo....kif-kif

Nou te soti nan silans, men y'ap pase nou nan rans

Avèk anpil awogans, yo provoke n fè vyolans

One-eight-zero-four....Levez-vous les Haïtiens

Nou ka refè l si nou vle, men sispann chen manje chen

Tik tak, tik tak, Ayiti pral eklate....BOOM!!!

Twòp magouyè, twòp trèt, twòp esklav talan

Twòp ti chen visye, twòp rèstavèk blan

Yo souse manmèl peyi an jouk yo souse san

Tout "droits humains" nou vyole, peyi an degringole

Kri nou tonbe nan zòrèy mò....MWEN DI LIBÈTE OU LANMÒ

Tout militan m yo move kou myèl

Kòlè nou rive nan syèl

Tanpri sekwe kò nou Izrayèl

M ta renmen peyi m grandi pou l pote bon fri

Mechan yo pa vle nou viv, yo vle nou detri

Men espri pèp mwen an fò, nou p'ap janm peri

N ap fout lage nan degwenn yo, Ayiti cheri

Grenadier à l'assaut, sa ki mouri za-fout-fè ayo

Lanmò avan dezonore, bay nouvèl la nan radyo

Tout dyaspora, atis, peyizan, lajenès konsène

Goumen pou fiti nou, si non nou tout ka elimine

Moun dekouraje, paka bouje, pa gen manje,

tout lajounen se dlo nan je, tout moun pyeje,

mechan yo vle pèp la lonje, m pa dakò pou se

etranje k ap dirije, nou oblije pran sakaje,

mwen fout move, figi m make danje

Mouchwa anlè, drapo anlè, pa gen retrè

Baton anlè, manchèt anlè, pa gen retre