باركب درجن Lyrics

السلام عليكم يا اخوانا

اللي جاي كله بقى بتاعنا

فمش عايز حد فيكو يتعشم

إنه يكسب تحدي قصادنا

زمان الحظ كان معاندنا

وكنتوا فاكرين إننا غيبنا

لأ كنا نايمين حبة ننة

واتخضيتو أول ما رجعنا

كانوا عايزين يابا يتسيطوا

جوم على بابنا وقاموا خبطوا

علمناهم كبرناهم

م الفرحة قاموا يتنططوا

وده بعد ما كانوا بيفرطوا

شافوا الفلوس قاموا اتعفرتوا

ماهو شبع من بعد جوع

دول نسيوا أصلهم اتقرمطوا

بقولك إيه يالا انت وهو

انتوا هوا وفاضيين من جوه

وفي أي حتة نحط عليكو

وفي إيدينا مش هتاخدوا غلوة

فمياكلش معانا هتدور نوة

والكل كالعادة هيتعلق

على ما نخلص بس الغدوة

هتبقوا في لحظة كلكوا عجوة

ما ع النت تقضوها تسلية

والبروفايل كله ادعية

وفي الواقع يبقى حاجه مختلفة

انتوا بجد حاجه مسلية

مهلبية على التقلية

ودماغكوا فاضية و مهوية

صغيرين يالا ع الشبحنة

ومخكوا حديدة مصدية

أنا قلبي هيتعلم يقسى

واهي ترسا بقى زي ما ترسا

لو كنتوا نسيتوا أنا ما بانسى

مني انتوا ما شوفتوش حاجه لسه

والقصة معاكوا بجد خالصة

أنا خايف اعملكم صلصة

تطلع في الاخر ماية صايصة

علشان جواها ناس ناقصة

وبلعب بيكوا ما أنا البوب

تيجي قدامي تقف واستوب

انتوا مش قدي على اللوب

وعاملكوا كلكوا هنا رعب

ومفيش من تاني بالحب

مش ذنبي إنك واقع في دروب

وأنا كعبي عالي عليك يا خرونج

و ع البييت ده اسم شيندو تووب

طايب اعملكوا إيه تاني

علشان تفهموا معنى كلامي

وإنها مش ساهلة وباشقالها

ومسيري أحقق أحلامي

يمكن دماغي مريحاني

مش بارمي لحد انا وداني

وباحب أتكلم في أغاني

ما هي كلها ف الواقع بتعاني

وبدل ما عليا تهونوا

بتسوقوا فيها وبتعكننوا

وأنا الصراحة مابقتش استحمل

الناس منافقة وبيتلونوا

والصحاب بقوا يتصهينوا

ويقولولك جيبك شخلله

ولو قولتلهم لا مش معايا

ده في لحظة عليك وهيقلبوا

على الحصان باركب درجن

أول ما باظهر كله يكن

ومعايا الموضوع مختلف

أنا لسه باشبط يابا في السن

ولا شغلة عفاريت ولا جن

انتوا عيال لسه بتشن

وأنا أكتر حاجه بتعصبني

العيل جمبي يبجي و يزن