عاش قلبه مشغول بالسما ft. Reham Nessim Lyrics

عاش قلبه مشغول بالسما وبيسوع حبيبه

تلميذ وماشي بيتبعه شايل صليبُه

ونفسي زي أبونا بيشوي عبد المَسيح

أمسك فـ إيد يسوع وأسيب كل الحاجات

الدنيا أسيبها وعمري ما أسيبه

إيدين صلاته يمدها كانت تطول

قلب السما.. وصلاته يبدأها تطول

كان السكات ودموعه والتنهدات

سِلِّم تملي يطَلَّعه للسَّموات

صوت قلبه ده لو تسمعه تلاقيه يقول:

أنا من هناك أنا من وطن سماوي مش أرضي

أنا من هناك عايش هنا هدفي ان أنا أرضي

أبويا صاحبي حبيبي سيدي إلهي مولايا

كل اللي ليَّ. رضاه عليَّ وبس ده غَرَضي

أبويا صاحبي حبيبي سيدي إلهي مولايا

كل اللي ليَّ. رضاه عليَّ وبس ده غَرَضي

عايش حياتي كلها وأنا باخدمه

وقبل ما أتكلم عليه باكلمه

وباختفي وباظهِرُه وباقدِّمه

وباقول لكل الناس عليه

هو الشفا لناس كتير اتوَجَّعوا

وياه ضروري حُزننا هنودَّعُه

وسلام سماوي جوه أرضك يزرعه

أول ما هتسلمها لِيه

أنا كنت شاب

أنا كنت شاب وأديني شيخت وشَعري شاب

وباقول: أعَنِّي

ولا مرة عني اتخلَّى أو لإيديا ساب

وفاتح لي باب

وقت أما يتقَفِّل قُصادي كل باب

ومراحمه بتفوق العدد من غير حساب

أنا كنت شاب

أنا كنت شاب وأديني شيخت وشَعري شاب

وباقول: أعَنِّي

ولا مرة عني اتخلَّى أو لإيديا ساب

وفاتح لي باب

وقت أما يتقَفِّل قُصادي كل باب

ومراحمه بتفوق العدد من غير حساب

جيت لُه وحَبل تَعَلُّقي بالأرض قطَّعته

وكلامه خبيته فـ قلبي بحُب أنا أطعته

ده رجايا ودوايا ووجوده معايا ده كفاية

ومستحيل ألقى ارتياحي فـ حاجة غير طاعته

ده رجايا ودوايا ووجوده معايا ده كفاية

ومستحيل ألقى ارتياحي فـ حاجة غير طاعته

ضعيف وماشي باتسند على كلمته

بابعد عن الدنيا وأقرَّب ناحيته

روحي مشدودة له ومرتاحة لُه وحَبِّتُه

ما قدْرشي آقول لكوا أد إيه

أد المطر والرمل أو أكتر كمان

أد الساعات مـ البدء لنهاية الزمان

غير مرئي بس أنا شايفه بعيون الإيمان

ده حاببني وشايلني فـ عينيه

أنا كنت شاب

أنا كنت شاب وأديني شيخت وشَعري شاب

وباقول: أعَنِّي

ولا مرة عني اتخلَّى أو لإيديا ساب

وفاتح لي باب

وقت أما يتقَفِّل قُصادي كل باب

ومراحمه بتفوق العدد من غير حساب

أنا كنت شاب

أنا كنت شاب وأديني شيخت وشَعري شاب

وباقول: أعَنِّي

ولا مرة عني اتخلَّى أو لإيديا ساب

وفاتح لي باب

وقت أما يتقَفِّل قُصادي كل باب

ومراحمه بتفوق العدد من غير حساب