ismy Lyrics

ازا عاشت ايدي عليها اسمي

خلي المشعارف يعرف ، ارسمني رسمة

مضلش حدا غيري لا ابوي ولا امي

من تحت الردم عم بصيح ابن عمي

عتمة ، اخد نفس ولا اضل عالصدمة

كل الناس جبانة ، وانا الوحيد الزلمة

الضرب فوق روسنا ، مش بحاجة لقمة

كلهن راحو مضلش غير الصورة والكلمة

كل العيون علي صوتي وصل كل العالم

خسرت كل الحوالاي مضلش بني ادم

ومجبور اكمل دوري زي كل واحد قاوم

غزة اخر امل النا، كله خذلها وساوم

انا المجبور انقذ الناس مش عارف شو اساوي

مش عارف منوين ابدا مين ومين بدي اداوي

مشاهد بتصعب عالحجر ملان بلاوي

والعالم كانه بفلم كله ساكت والبطل غزاوي

خلص الموسم الدراسي ماتت كل الطلاب

والمدرسة نقصفت مضلش فيها غير تراب

كله راح كله راح مضلش قلم ولا كتاب

كيف العالم مش شايف مين الارهاب؟

فش فيها وجهة نظر احنا الصح

يا بتكون معانا يا بتكون مع كل اللي انبطح

كله انفضح ، غزة لحالها وقاعدة بتندبح

غزة شرف الامة كلها، اما الباقي بلح

انا الاسير انا الجريح انا الشهيد

انا المسعف والدكتور انا الممرض والمريض

انا الطالب والمعلم والادارة

انا كل الناس ، انا كل الحارة

وين الاسير وين الجريح وين الشهيد

وين المسعف والدكتور وين الممرض والمريض

وين الطالب والمعلم والادارة

وين كل الناس ، انقصفت كل الحارة