خروج Lyrics

قسمنا الكيكة بينكم و ما كفتكم

عايزين المخبز كامل؟ لأ حاضر لعيون حضرتكم

ليه نعيش اصلاً ، هو اصو أنتوا في يوم قصرتم

فالمجد للقادة و اصحابهم ، اهلهم ، ويخليهم لبعضهم

كل التراب ليكم ، ما اصل البلد حقتكم

لو شفتوا شر عذبتم و لو أردتم خير سلمتم

ليه التعب ، نحن نموت ، خليكم لأ عشتم

نحن نجوع و مالو؟ ، نحن الكلاب ما انتم

بس خلوا بالكم ، عيشوا كويس في القصور

حاولوا اسرقوا البلد ، حاولوا اغسلوا العقول

حاولوا بيعوا النيل ، بيعوا الدم و الجدود

لأن لو اليوم تم ، و الليل جن ، ماف سبيل هروب

نحن

بنعرف الموت و بنعرف للموج بنركب

بنترك السهل و بنمشي للصعب بنصعد

فالقمة دي تل و نحن بركان لو نغضب

بنرفع الأرض ، اللافا دي وحدها بتهصر

فما تبيع الهواء ، كلام انتهى مغشوش

عامل زي شيخ فكي ببيع التفة بقروش

ولو فهمت القصة ، ما تقول الكضبة ، حتموت!

فما تغتر بالسمك فوق ، البحر كلو قروش!

كلو بقول ، مافي زول بنفذ ، نفس

بلاليين ميتة ليها سنيين قاعدة تنزف

مناصب لا تدار ، ديل حاكمين ليهم زمن

ساسة في الخساسة ، عمم في الحقيقة رمم

احسب معاي كدا ، كم جيل مات غشوه

ارجع معاي زمن شوف كم زول محروق

كان في إنتخابات بس نفس الاحزاب بتفوز

بتقامسوا الوزارات ، السلطة ، و النفوذ

كانوا بسرقوا الدين ، "سيدي رسول معصوم!"

كانوا بقوموا إنقلاب ، كلما الشعب يثور

كانوا عارفين الناس مساكين ضعاف

كانوا بمتهنوا الكضب ، احزاب بدون اهداف

كان سيدي بمشي في الأرض فالأرض بتبقى ملكو

كان الرفيق بقصف ناس ، بس عشان خايف منهم

كان الكوز برفدك ساكت لأنو انت ضدهم

كان القحاتي بكضب بمثل إنه الشعب مثلهم

الحرب دي فينا ، البلد ليها سنين بتنزف

دارفور و الجنوب ، شوف النار كيف بتدمر

فلو جاك جنجويدي ما بقدر يخوف اصلاً

نحن سنين ميتين ، حتفرق يعني تاني طلقة؟