Gising pa ang diwa kong lula sa hiraya

Sana nga'y mawari kung pano pa lumaya

Nagsunog ng kilay to para di madaya

Gamit na panghiwa ay ang sariling wika

Halo halong buhay parang ukay ukay

Kelangang masanay isang paa sa hukay

Matira matibay , kanya kanyang pakay

Ang ibay nagnakaw at ang ibay nag alay

Dikdikin ang palay , kunin ang tinapay

Sakaling mapilay meron bang dadamay

Patagong inakay ng mahiwagang gulay

Dagdagan ang kulay tanggalin ang ingay

Meron bang pag asa? wag ka ng umasa

Kasi ang sistema ay medyo malala na

Laging minamasa puro plataporma

Nagmukhang komedya hakot pang takilya

Balik lang sa una ang pagikot ng proseso

Hahalik ka sa paa na para bang isang deboto

Sa bawat kumpas kelangang sumabay ng mga

koro

Uulitin parang loro tapos oo lang oo

Kakabobo nag aaway nagtatalo tayo tayo

Ni hindi nga kilala ng mga taong iboboto

Unahan ang mga dagang pinainan lang ng keso

Di masupil ang problema sa tumataas na presyo

Di kita masisi kung tinanggap limang daan

Sadyang mahirap labanan ang kumakalam na tiyan

Napuno ng agam agam puro hangin ang laman

Pagkatok mo sa pintuan di ka na pagbubuksan

Wala sayong magtuturo kundi ang karanasan

Yung taong pinagsagawan ginawa ka lang hagdan

Hanggat merong mahahakot di problema lalagyan

Hanggat merong mahahakot nandyan ang kasakiman.