Anatomi ft. Nomis Lyrics

10 zòtèy 10 zòtèy asi sòl la

Pu an pe mashe dwèt duvan kèlanswa se wòl la

Plat a pye an mwen e do a pye an mwen kon yin yang

Talon an mwen dèyè e puwtan se yo ki pli strong

Mood an mwen flèksib kon shivi a w

Enn fè son la sa tune an buk kon shive a w

Pull up mwen

10 zòtèy 10 zòtèy asi sòl la

Pu an pe mashe dwèt duvan kèlanswa se wòl la

Plat a pye an mwen e do a pye an mwen kon yin yang

Talon an mwen dèyè e puwtan se yo ki pli strong

Mood an mwen flèksib kon shivi a w

Delè an ka fuck lajan delè an vle milya

Edikasyon yonn a lòt si tini ban mwen tini ba w

Men si i pani i fò nu rete rèd kon tibya

Kontribiyab ju nu ke mèt a junu peke vwè ju

Donk on ju u lòt sa ke PT kon molekil a platin

On panse pu tut fanmi ki anba tè kon dashin

Nu ka pùize adan fòs a yo

Yo ka sèvi nu rasin

Kenbwa èvè Gwoka pu sèten se on fòt

Men u pe pa tise on pyès a tisi asi kùis a on dòt

Sa u sime u ke rekòlte men ni predatè

Fò plante grenn a w ase fon pu i pa jwenn èvè bèk a kòk

Fwanse ni anblèm a yo afriken ni totèm a yo

E si an di w bonju se konsi an te di w mbote na yo

Tanbu a de bonda klase mun an gwup a po

Men yo sav la syans la sòti anba mas a yo

Basen karibeyen ranpli èvè nèg

Ki ni tras a on pase matriawkal

Kon kòwdon onbilikal tere an jaden

Bakful èvè plant medisinal

Dimansh ay legliz sanmdi swa rime ren

Lendi pwotèste pu pe sa rime ren an legliz

Dimansh ay legliz sanmdi swa ay an lewòz

Èvè fè refòwm pu pe jwe tanbu an legliz

Non apa on kèstyon dè fwa apa on kèstyon dè rat

Apa on kèstyon dè trip pu èt sentetik

Se fè sa ki tan nu èvè metey an sòs a yo

E mi se sa misye la kriye senkretizm

Si nu alyene pe pa ka ni mèd etik

Sav ka u ye pu aji èvè metriz

Inyorans e manti fè nu fè betiz

Kon ye la nu kay dè blòk an blòk kon adan tetris

Pumon ankrase pwoblèm antase

Ti kè la an plas me si lyas jenès vle anlase

Pa etonnew si kud pwen ranplase kud men

Pu lajan apa yenki dòg ka fè ku shyen (an do a mun)

Nu ja fè dwèt e fè gòsh fè gèl e fè gòj

Pannan plis ki 40 ju

Me ke tuju ni bab

Menm si ni dyab ke tuju ni Bondye èvè plis lanmu

An vle vwè pli lwen ki but a ne an mwen

An ka dòmi anlè de zorèy an mwen

Neanmwen an tuju ni menm susi la

Peyi la ankò pli sèwne ki anba zye an mwen

Sitiasyon la pa rasyonnèl

Kon mun gwadlup ki ka vote pu fwon nasyonal

Sa ki vin banal èksèpsyonnèl

Kon mun a lòks ki size adan on makdonal

Me se tèt ka diriji kò

Si nu ni mantal sa ke ay zanmi ye ye

Tèt ka dirije kò

Han han tèt ka dirije

Anatomi a peyi la malad i près alagoni

Men i ke geri si nu paka moli

I ke geri si nu enmey alafoli

Anatomi a peyi la malad i près alagoni

Men i ke geri si nu paka moli

I ke geri si nu enmey alafoli

Lanne apre lanne pu an trape gwo vant an pon jan

Tune vèst e fè sanblan milite mannyè bojann

Nu ni tèt epi kè tan nu se envèsti pu nu konsome lokal an nu

Fè nu menm ranpli pans

Endistri satanik kon sèpan ka mòde ke a y

Ènmi a lanasyon an alyenasyon men sa ke a y

On pil fòs pu le militan la ka pòte kè ay

Pòte kwa a w kon tut mun me pa futi vote ba y

Paka shèshe repons verite ja monte lèskalye

An wo kon an ba nu sav yo piye nu pu nu pani pye

Men pa panike

Tut gòs ke ni pu fè sòs ay

Gonfle tòws ale duvan pwan le zawm spirityèl u pa

O pa nu pe pa men lyanne fò nu fèy

Apa dut bwa nu ke sav wuvin a lesansyèl

Avan sete twòk donk sonje biye se on mwayen deshanj

Si se on men ki ka lave lòt nu ka ògmante leshans woooy

Anatomi a peyi la malad i près alagoni

Men i ke geri si nu paka moli

I ke geri si nu enmey alafoli

Anatomi a peyi la malad i près alagoni

Men i ke geri si nu paka moli

I ke geri si nu enmey alafoli