ما نقدرش نكون صديق Lyrics

ما نقدرش نكون صديق من بعد المحبة و الغرام

المحبوب ما يولي رفيق علاش يزيد يوال عوام

اليوم وسع غدوا ضيق اليوم نور و غدوا ظلام

اليوم عوام و غدوا غريق اعدريني نبقيك بسلام

كيفاش حابتني نكون قريب و نتي ماراكي ليا محتوم عليا نغيب

قربك يزيد فالقلب لهيب بعد الفراق اش يطفي نارو ما ينفع لا طالب لا طبيب

ياك هواك لي حب الفرقة و ما بغاني نكون حبيب

جفيتيني وخليتي حرقة راني على جمري نطيب

راني من كاس جفاك نتسقى ما ظنيت منك العيب

دا مكتوبي سطر من ورقة راضي باللي كتبها المجيب

القلب لي حبك نكويه الف كية و بسيوف نقطعو و نقول قليل عليه

هو سباب المحنة و التيه يحن عالي شبعوه مرارة و يعدب في ماليه

خلى العقل ساهر يسول على جرح واش يداويه

علاش عليك يا قلبي تحمل ارمي الحمال بجيه

انسى الي فات اتكل و عول خلي الماضي فالماضي خليه

علاش تسقي فالورد لي يدبل طير ما يغني علاش تربيه

كدبتي و طمعتيني بالكلام وعدك فيه قصور مشيدة ساس متين و سوار رخام

والي والي فقت من المنام نهاري سواد و نتي معيدة ما لقيت قصور ولا لخيام

خاب وعدك يا النكارة علاش عليك الكدب حرام

هدا خدع والله ما شطارة الله ينجيك من الايام

في غرامك ما بقات حرارة برد القلب و بردو العظام

يجي يوم و تقول يا خسارة ياى ندامتي على داك الحمام

نهيت القصة و طويت الكتاب خليت فيه سطور مزينة و حروف مشكلة بصواب

فيه مسالة منة غير جواب فارس عمر قال في عنوانو حال اللي غدروه لحباب

ادا كنت ما ترضى بالزورة ما تنادي ما تغلق لبواب

ما تخلي القلوب مكسورة و ناسها في وسط العداب

سامحاتك الدات المغدورة من دار شي عند الله الحساب

ما تبقاي غير تدكيرة و صورة تتمحى بطولة الغياب