Hanuman Calisa (Mystical) Lyrics

Śrī guru caraṇa saroja raja, nija manu mukuru sudhāri

Baranaūṃ raghubara bimala jasu, jo dāyaku phala cāri

Buddhihī na tanu jānike, sumirauṃ pavanakumāra

Bala buddhi bidyā dehu mohiṃ harahu kalesa bikāra

Jaya hanumāna jñāna guṇa sāgara

Jaya kapīsa tihuṃ loka ujāgara

Rāma dūta atulita bala dhāmā

Añjaniputra pavanasuta nāmā

Mahābīra bikrama bajaraṅgī

Kumati nivāra sumati ke saṅgī

Kañcana barana birāja subesā

Kānana kuṇḍala kuñcita kesā

Hātha bajra au dhvajā birājai

Kāṃdhe mūṃja janeū sājai

Saṅkara suvana kesarīnandana

Teja pratāpa mahā jaga bandana

Vidyāvāna guṇī ati cātura

Rāma kāja karibe ko ātura

Prabhu caritra sunibe ko rasiyā

Rāma lakhana sītā mana basiyā

Sūkṣma rūpa dhari siyahiṁ dikhāvā

Bikaṭa rūpa dhari laṇka jarāvā

Bhīma rūpa dhari asura saṃhāre

Rāmacandra ke kāja saṃvāre

Lāya sajīvana lakhana jiyāye

Śrī raghubīra haraṣi ura lāye

Raghupati kīnhī bahuta barāī

Tuma mama priya bharatahi sama bhāī

Sahasa badana tumharo jasa gāvaiṁ

Asa kahi śrīpati kaṇṭha lagāvaiṃ

Sanakādika brahmādi munīsā

Nārada sārada sahita ahīsā

Jama kubera digapāla jahāṃ te

Kabi kobida kahi sake kahāṃ te

Tuma upakāra sugrīvahiṁ kīnhā

Rāma milāya rāja pada dīnhā

Tumharo mantra bibhīṣana mānā

Lankeṣvara bhae saba jaga jānā

Juga sahastra jojana para bhānū

Līlyo tāhi madhura phala jānū

Prabhu mudrikā meli mukha māhīṁ

Jaladhi lāṃghi gaye acaraja nāhīṁ

Durgama kāja jagata ke jete

Sugama anugraha tumhare tete

Rāma duāre tuma rakhavāre

Hota na ājñā binu paisāre​

Saba sukha lahai tumhārī ṣaranā

Tuma racchaka kāhū ko dara nā

Apana teja samhāro āpai

Tī noṁ loka hāṃka teṁ kāṃpai

Bhūta pisāca nikaṭa nahiṃ āvai

Mahābīra jaba nāma sunāvai

Nasai roga harai saba pīrā

Japata nirantara hanumata bīrā

Saṇkaṭa teṁ hanumāna chuṛāvai

Mana krama bacana dhyāna jo lāvai

Saba para rāma tapasvī rājā

Tina ke kāja sakala tuma sājā

Aura manoratha jo koī lāvai

Soī amita jīvana phala pāvai

Cāroṁ juga paratāpa tumhārā

Hai prasiddha jagata ujiyārā

Sādhu santa ke tuma rakhavāre

Asura nikandana rāma dulāre

Aṣṭa siddhi nau nidhi ke dātā

Asa bara dīna jānakī mātā

Rāma rasāyana tumhare pāsā

Sadā raho raghupati ke dāsā

Tumhare bhajana rāma ko pāvai

Janama janama ke duhkha bisarāvai

Anta kāla raghubara pura jāī

Jahāṃ janma haribhakta kahāī

Aura devatā citta na dharaī

Hanumata seī sarva sukha karaī

Saṅkaṭa kaṭai miṭai saba pīrā

So sumirai hanumata bala bīrā

Jai jai jai hanumāna gosāīṃ

Kṛpā karahu guru deva kī nāīṁ

Jo ṣata bāra pāṭha kara koī

Chūṭahi bandi mahā sukha hoī

Jo yaha paṛhai hanumāna cālīsā

Hoya siddhi sākhī gaurīsā

Tulasīdāsa sadā hari cerā

Kījai nātha hṛdaya maṃha ḍerā

Pavanatanaya saṅkaṭa harana maṅgala mūrati rūpa

Rāma lakhana sītā sahita hṛdaya basahu sura bhūpa​

Siya vara Rāmacandra pada jai śaraṇam

Śrī Rām jai jai Rām