Lau Nafsak Teabet _ لو نفسك تعبت Lyrics

لو نفسك تعبت و انهارت

لو نَفْسَك تِعبِت وِ انهارِت ، وِ اتقَلَبِت كُل العِمْدَان

في فكرة عن قلبَك تاهِت : أنا رَبَّك ليَّ السُلطان

أنا عَ العرش وْ إيدي قديرة ، مهما بيحصل مهما ان كان

كل صعابك عَندي يَسَيرَة ، اِستَنَّاني بكُل إيمان

ها اضمَن راحتَك طول أيَّامَك

شِبَعَك بِيَّ وْ عَندي خلاص

مهما الوَاقِع بَانْ قُدَّامَك

اِعلِن ثِقَتَك فِيَّ أساس

مش ها انسَى لَك كُل صلاتَك ، أنا شُفت دموعَك في عينيك

أنَّاتَك وِصلِت و آهَاتَك ، أنا حَاسِس بالضَّغط عليك

أنا عارف اللي عَلَى اكتافَك ، أنا حَاسِب حِمْلَك مَظبُوط

و ها اجَهّز مَنفَذ قُدَّامَك ، اِرمِي عَلَيَّ كل ضغوط

و ف ضِيقتَك دايمًا بَاتضَايِق ، و ف حُزنَك أنا بِيك دَريَان

بس ف حُبّي هَا افُكّ و ابَارِك و هَا انَجّي كُل الأيام

زي ما إِبن أَبوه بِيشِيلُه طُول السِكَّة لَو تَعبَان

إِنتَ ف حُضنِي يَا ابني مَكَانَك ، و ف قَلبي رَحمَة و إِحسَان