Überläbe Lyrics

S'isch en chüele November Morge, keis Bei isch uf de Gass

D'Liechter und Reklame Schilder, spieglet sich uf de Strass

Hinder mir det raschlets lieslig, zwüsched de Apfall Berge

Regetropfe uf mim Gsicht, gseh e Ratte wo de Zmorge suecht

Im Schatte vonere Huusmur, liit e ighüllti Gschalt

En Fuess chunt unse en Chopf erschient, es gseht us als wärs es Chind

Es streckt de Rugge d'Glänk tüend em weh, denn es liit uf de chalte Strass

En Tag bricht a voll Leid und Schmerz, doch au de gaht zum Glück mal z'Änd

Vor langer Ziit isch em d'Mueter gstorbe

De Vater isch jetzt im Chrieg

Läbt sit det nur uf de Strass

Hät nie öpis anders kennt

En Kampf ums Überläbe

Im bliebt nüt als d'Hoffnig uf e besseri Ziit

Er Kämpft ums Überläbe

Mit jedem neue Tag gahts vo vorne los

Das isch kei Überlebeskunscht, sondern grenzelosi Not

Er isch bigoscht kein Einzelfall, villne andere gahts glich

D'Gesellschaft het kein Platz für sie, a Chance überchömets nöd

Läbed vom dem wo mir nüm bruched, Hunger isch immer da

D'Nacht isch meistens chalt und einsam, niemert git em warm

I sinere Stadt herrscht Geld und Macht, finanziert us Droge und Angst

Gwirtschaftet wird nur in eigene Sack, s' Volk das ischene gliich

Ich luege verzwifleti Gsichter a, gse nur leeri Blick

Mageri Gstalte chrüzed min Weg, was söll i de gäge tue

Im Herze wer er doch so nett

De Alltag macht en hert

Träumt vo Famile won er nöd het

Ä Schuel wonen wiiter bringt

En Kampf ums Überläbe

Im bliebt nüt als d'Hoffnig uf e besseri Ziit

Er Kämpft ums Überläbe

Mit jedem neue Tag gahts vo vorne los

Das isch kei Überlebeskunscht, sondern grenzelosi Not

Jetzt het er mal Glück im Läbe, und dörf zunere Famile gah

Sie händ ihn gwählt wills 's Bild gseh händ, und d'Hoffnig i sine Auge gsend

S'isch sini schönschti Ziit denn worde, won er sit je het gha

Emal als Mensch behandlet z'werde, i de Schuel Kollege z'ha

Er kämpft nüm ums Überläbe

Er hät jetzt plötzlich d'Hoffnig uf e besseri Ziit

Er kämpft nüm ums Überläbe

Dörf sogar bi de Familie bliibe

Als de glücklischt Mensch vo de Welt, gämmer änand doch Händ