Bisyo ft. Abu & MitchB Lyrics

Asa ko ani padulong tug-ani ko'ng matarong na

AMAHAN

Dili kini akong gusto tabangi ko'ng undangon na

AMAHAN

Sukad sa sugod pa lang daan sa pagsugod sa'kung dalan

Diretso ang direksyon wala ko'y liko giagi-an

Ang tambag's ginikanan mao nay akong tumanon

Ang kahayag's kaugmaon mao na'y atimanon

Buk-on ang botelya likayan naku'ng barkada

Adtuon ang kapilya ug iampo ang problema

Tarungon pag-eskwela kab-uton ko ang toga

Unahon ang pamilya magtrabaho'g makakwarta

Bati-on ma'g kakapoy di paluya-luya

Humanon ang gipangandoy ni Papa ug ni Mama

Masukli-an ra naku ang inyong pagpasingot

Pinaagi's pag-aginod ug akong paningkamot

Ang gitago nga sikreto di ra ko magsaba

Mga plano para naku kamo ang nigama

Ang gibilin ninyong tambag ako kining dad-on

Maoy giya sa kahayag sa akong kaugmaon

Asa ko ani padulong tug-ani ko'ng matarong na

AMAHAN

Dili kini akong gusto tabangi ko'ng undangon na

AMAHAN

Hangtod sa kalsada naay gatambay, naay barkada'ng nikaway

Ug wa ko kalikay, nidawat's mga tagay, niplastada'g nisabay, niarangkada'g niubay

Patay

Bisyo perwisyo gisudlan ra'g kalit

Balon ug sweldo sa BISYO gipalit

Eskwela giabsent-nan, botelya gikuptan

Kapilya gilabyan, pamilya gikalimtan

Ningitngit mga plano sa pagsit-sit sa demonyo

Naghithit sigarilyo ug nalikit na ang rolyo

Nabuang ko sa kagwapa ni Ivana

Mas nabuang ko karun sa droga marijuana

Akong kaugmaon naa sa akong kamot

Nganong karun lagi lahi na ang naas kamot

Color puti nga giputos sa plastik gapataas

Makabuhi pa ba's pulis ang adik nakaposas

Kamot naku markado, detalyado's mga gwantes

Utok negatibo, positibo pa sa drug test

Di na kinahanglan nga i-agi pa'g proseso

Makig-uban na siguro ko sa mga piniriso

Asa ko ani padulong tug-ani ko'ng matarong na

AMAHAN

Dili kini akong gusto tabangi ko'ng undangon na

AMAHAN

Hangtod sa niabot ang panahon

nga ako nakaingon nga nawala na ko's akong kaugalingon

Ug ako nakamata, amahan tabangi ko's pagbangon

Ma, Pa, pasaylo-a ko's nabuhat

Mas giuna pa ang BISYO sa asawa ug anak

Ang pagbiya kaninyo dako naku'ng pagmahay

Napalayo na diay ko wa gyud ko nakabantay

Gisayangan lang naku kalami sa kinabuhi

Hatagan unta'g chansa harun nga mubawi

Kalimtan ko ang bisyo nga naghatag ug kadaot

Ang bisyo nga maoy rason sa akong pagkadaot

Di pa man siguro'g ulahi'g akong tarungon

Bulungon naku'g balik akong kaugalingon

Amahan makagagahom ikaw ang gisaligan

Aduna ko'y paglaom nga imo ko'ng ubanan

Maningkamot ko'ng mubalik sa kung kinsa ako

Maningkamot ko'ng ibalik ang pamilya kanaku

Nalayo na gyud kaayo ko kanimu o Ginoo

Maningkamot ko nga mabalik pagsalig ko kanimu

Asa ko ani padulong tug-ani ko'ng matarong na

AMAHAN

Dili kini akong gusto tabangi ko'ng undangon na

AMAHAN