Senyales Lyrics

Naranasan mo na ba kapag ikaw lang mag-isa

May mga araw talagang makakaramdam ng kaba

Yung para bang pakiramdam mo ay wala kang halaga

Kahit wala namang problema parang may problema ka

Minsan nakakapagtaka kung bakit nga ba ganito

Kahit na meron na lahat mga bagay na gusto mo

Ngunit nararamdaman mo na parang may kulang sa'yo

Pero hindi mo naman alam kung ano pang wala sa'yo

Sadyang ganyan nga talaga, minsa napapaisip ka

Kung ano nga bang dahilan at bakit nandito ka pa

Dahil siguro meron pang hindi ka pa nagagawa

Na kailangan mo pang matapos bago ka maging malaya

Kaya gumising ka at buksan mo mga mata

Mag pasalamat ka dahil ikaw pa ay malakas pa

Nagagawa mo pa lahat ng gusto mo na magawa

Dahil marami nang tao na di na makasalita

Nahihirapang huminga dahil nga patapos na

Ang buhay na pinag ka loob niya ay babawiin na

At dadalhin ka na sa kaharian nyang masaya

Sa lugar na yon wala nang ibang iisipin pa

Kundi magpakasaya, mga bagay dun sagana

At wala ka nang problema pang mararamdaman pa

At ang kulang pa na hanap mo kapag malungkot ka

Dun mo lamang makikita kapag nandoon ka na

May senyales talaga, na ipapakita niya

Kung kailangan nang magbago o may babaguhin ka

Pero hindi to madali, dapat ay matatag ka

Dahil marami nang sumubok, ngunit nabigo sila

Na baguhin ang sarili dahil sa mga tukso

At marami ng taong mga nag babalatkayo

Ang akala mo'y anghel, na gumagabay sayo

Sila palang may mga sungay na sumisira sayo

Mga kaibigang malapit, na dapat ay katabi mo

Ngunit wala na din sila, tila lahat ay lumayo

Patunay talaga sa bawat ikot, merong nagbabago

At wala din permanente dito sa mundong ito

Na ginagalawan mo, at ginagalawan ko

Na dapat pag nakuha mo na dapat ang senyales mo

Ihanda na ang sarili para sa yong pagbabago

Huwag mo nang ulitin pa mga mali na nagawa mo

Minsan sa buhay natin, may mga bagay talagang mangyayari

Na akala natin hindi tayo nagkamali

At yung pagkakamali na yun, yun ang magbibigay sa atin ng dahilan

Para baguhin ang sarili natin

Kaya kung nagkamali ka man

Ito na ang panahon na binigay satin ngayon

Huwag mo nang aksayahin, ibahin mo ang direksyon

Dumiretsyo sa paglakad at huwag ka nang lumingon

Pagkakataon mo nang maituwid mali noon

Dahil kung babalik ka pa sa pagkakamali na yun

Malamang huli ka na at huling tyansa mo na yun

Dahil nalalapit na araw, araw ng paghuhukom

At di natin mamamalayan kailan mangyayari yun

Ang buhay natin na ito'y kanya lamang pinahiram

Upang tayo pagbigyan at para masubukan lang

Ito'y kanyang sukatan, sinong may karapatan

Na tawagin niyang anak, umangat ng kalangitan

Na kagaya ni Jesus, na ginawa niyang kasangkapan

Upang mag lahad nang aral, lahat ng katotohanan

Pahiwatig niya sa atin mga bagay may hanggana't

Dito sa mundong ito'y malapit na ang kawakasan

May senyales talaga, na ipapakita niya

Kung kailangan nang magbago o may babaguhin ka

Pero hindi to madali, dapat ay matatagka

Dahil marami nang sumubok, ngunit nabigo sila

Na baguhin ang sarili dahil sa mga tukso

At marami ng taong mga nag babalatkayo

Ang akala mo'y anghel, na gumagabay sayo

Sila palang may mga sungay na sumisira sayo

Mga kaibigang malapit, na dapat ay katabi mo

Ngunit wala na din sila, tila lahat ay lumayo

Patunay talaga sa bawat ikot, merong nagbabago

At wala din permanente dito sa mundong ito

Na ginagalawan mo, at ginagalawan ko

Na dapat pag nakuha mo na dapat ang senyales mo

Ihanda na ang sarili para sa yong pagbabago

Huwag mo nang ulitin pa, mga mali na nagawa mo