أكتئاب أزلي Lyrics

Why keep you hiding when the sun is dark

It's undefined, want to know where you are

Why keep you hiding when the sun is dark

The sun is dark

الطرقات كلها باردة وأزقة الشوارع بالسكوت نابتة

وأوراق الشجر صارت باهتة، ووجوه الناس من الضحكة قاتمة

وعيون هالبشر بتحكي هي وساكتة

قلوب بتبكي عالمخفي وبتحكي أنها سالمة

بالقساوة عم أتمثل انها فولاذ صامدة

بياض أسود بزمان زاد فيه الوجع

زاد الحقد فيه متل الطمع، متل مي نابعة من نبع

زاد الكره فصار صعب القلع هاد الوضع

حتى الحب صار صفقة مالية جارية الدفع

أتركني بهمي يالي فيني أنا مكفيني

الوحدة عم أتدفيني وبحضنها قاعدة تحميني

والدنية نازلة طحن فيني حتى المر عم تسقيني

٢٥ سنة بالنسبة ألي كلها فشل

وأخر خطوة بالحلم صارت أبعد من كوكب زحل

مو بعيدة شي يوم تسمع هالكاتب رحل

Why keep you hiding when the sun is dark

It's undefined, want to know where you are

Why keep you hiding when the sun is dark

The sun is dark

كل حرف عم يطلع مني رح يحكي قصة

كل جملة بتحمل معنى كبير مخبى جوا غصة

حروفي بكيت بحرقة، هربت بين سطوري سرقة

أتلاشت كلماتي الضايعة بحبر مطرش عهالورقة

كل يوم بمر علي بحارب فيه مرضي النفسي

جواتي عالم تاني نساني معنى حروف أسمي

روحي طلعت من جسمي، ولك بطلت حس بأي نسمة

صرت أتمنى شوف عوجهي خطوط البسمة

أبرة وغزة، لمسة وغمزة، دمعة وضحكة

سردة بغزة، موت بعزة، أوعى أتقلي أني خسرت اللعبة

شب بعمر الوردة عايش بين حيطان الغربة

متمني يموت بعزلة بعيد عن كل القربة

مستني أخر يوم بعمرو لينام مرتاح تحت التربة

أنعزل عن الكون بظلام أظلم من ظلم العباد

مات شغفه بهالحياة كأرض قاحلة بلا سماد

والنظيف فينا غرق بوحل هالفساد

Why keep you hiding when the sun is dark

It's undefined, want to know where you are

Why keep you hiding when the sun is dark

The sun is dark