Channa Keshava Ashtakam Lyrics

कराभ्यां सदोच्चैः स्फुरच्छंखचक्रे

धरंतं पराभ्यां गदापद्महेती ।

रमापूजनीयारुणांघ्र्यब्जकोशं

भजे केशवेशं निजाभीष्टकोशम् ॥१॥

विरिंचेशदेवाधिपाद्यादितेयैः

सदागंधपुष्पाक्षतैर्धूपदीपैः ।

मुदा पूजितश्रीपदांभोजयुग्मं

भजे केशवेशं निजाभीष्टकोशम् ॥२॥

कलापूर्णचंद्रप्रतीकाशवक्त्रं

मलाद्यापहं सुप्रसन्नं स्वदृष्ट्या ।

गलामुक्तमुक्तास्फुरच्चारुमालं

भजे केशवेशं निजाभीष्टकोशम् ॥३॥

सदानीतभीमोदकैराभिषिक्तं

द्विजेंद्रेरितैः प्रत्यहं वेदशास्त्रैः ।

पुराणैश्च पुण्यैः स्फुटं प्रीतिभाजं

भजे केशवेशं निजाभीष्टकोशम् ॥४॥

महीमूर्धभूषामणित्वान्महद्भिः

मणिग्रामनाम्नेरिते पुण्यदेशे ।

वसद्वैष्णवौघैः सदा संवसंतं

भजे केशवेशं निजाभीष्टकोशम् ॥५॥

मणिग्रामभूषामणिं ग्रीष्मपूषा-

युतातर्जवेषं हृतस्वीयदोषम् ।

निजानामभीष्टप्रदं ध्वस्तदोषं

भजे केशवेशं निजाभीष्टकोशम् ॥६॥

अघक्षालनेक्षं द्विषत्क्षोभदक्षं

भजत्पक्षरक्षाधृताक्षीणदीक्षम् ।

क्षरादक्षरायाः परं विश्वकुक्षिं

भजे केशवेशं निजाभीष्टकोशम् ॥७॥

कृतस्वीयपोषं सदापास्तदोषं

स्तुवद्दत्ततोषं कृतारातिशोषम् ।

स्फुरद्धासलेशं पयोवार्धिजेशं

भजे केशवेशं निजाभीष्टकोशम् ॥८॥

वरदराजकृतां वरकेशव-

स्तुतिमिमां सततं परमादरात् ।

पठति यः शुभकेशवसन्निधौ

स निजमीप्सितमाशु समाप्नुयात् ॥९॥

इति श्रीवरदराजाचार्य विरचितं श्रीचन्नकेशवाष्टकम्