Ntina Na Wè Lyrics

Orèma dégo-dégo-dégo go tónda wè

A téryo gónó, a tukun'iziwo dyawo

Izingo iñéngé ña yèno myè dyawo

Akwamba mango-dyuwa, ntina n'awè

Anèrô wi ngani n'inkogo sawo idyéngé

Gi bulyaga nè : Irônda ñ'oma 'a yombo, rèty

Orèm'iwami kao agani arévo dyawo

Ndo aré pogini myè mandè

Myè ngani mya luwog'okugé dyawo

Itónd'isazo sa vakilyi dyawo

Azw'awani g'érumbé ndégo, yongiña

Ma léni déna-déna ndégo, ogwèra n'omanda

Kao ni ndéndini y'anaga

Myè kè gi mamizaga élow'évolo zinó

Za luwogo ayano mô na myè dyawo

Go puliza myè g'anaga

Ma lwani g'itónd'isazo dyawo

Kao orèma mfangizogo

Kao nkómbizogo g'anaga

Ma léni déna-déna ntina na wè

Ntina n'itónd'isazo, sa wiko n'anaga

Ma léni déna-déna ntina na wè

Ntina n'itónd'isazo, sa wiko n'anaga

Orèma w'oma é dyongiñ'améngé

É sindin'améngé, é dyuwin'améngé

Zinó édyongiñè dadyè ndégo

Mwanga aré n'okasa

Aw'adéné nkowa, mya déné nkowa

Ntina n'itónd'isazo dyawo, sa wiko n'anaga

Ma léni déna-déna-déna ndégo

Antchóni mami m'okuwa vèndè

A dógo ilôgô vèndè

Nènô Añambyè a féli ogó wè wi nkèngó

Mông'azèlyigi myè dyawo, wa tigani n'asaï nènô

Myè kè gi bambizaga nwè nè

A wuté dyombizo wè dyawo

Élômbè z'até à quel niveau

Ma léni déna-déna-déna ndégo

Ga zavogo Itônd'isazo, n'agwan'améngé g'émènô

Ndo gé dyèna myè wè nènô, a péro mandè

Awè ya rangino oba wi boso

Ma léni déna-déna-déna-déna-déna

Antchôni mami dyawo, ma sizo myè n'égombé

Nènô mi finiza Añambyè akéwa

Go kaluña édingo zami zi dyawo

Élômbè z'orévuno nènó

Ma léni déna-déna ntina na wè

Ntina n'itónd'isazo sa wiko n'anaga

Ma léni déna-déna ntina na wè

Ntina n'itónd'isazo sa wiko n'anaga

Ma léni déna-déna-déna-déna-déna, ndégo

A tôwo irôwo gônô, a kômbino gômba gônô

Ma léni déna-déna ntina na wè

Ntina n'itónd'isazo, sa wiko n'anaga

Ma léni déna-déna-déna-déna

Déna-déna-déna, ntina na wè