The Genesis ft. Cee`The`Poet Lyrics

Hlogo ya sereto ke Mathomo

Moswana o boletše botse go tlala seatla

A re hlwaiša tsebe

A re nyetlela ge boroko bo se na le se tseka

A ruma ka la gore

"Mona molomo o boletše, mona tsebe o tla ikwela"

Ra šitwa ke go phaela thoko ntšu la kgoši

Bana ba thari e ntsho ra tsoga borokong

Ra emella malaong

Tsela ya re lebanyana patlelong la talente tša go nyeuma

Sa rena ya ba go ikgethela

Ya ba go itopela tša mmamoratwa

Serati re ikgethetšeng ga se lewe e le se se tala

Ga se phurwe se le bo thata boka leswika

Se hloka go letefatšwa

Se hloka go ba boka kgadika tša kolobe

Dikgong re ile ra tšhikatšhika

Ra thelega poto sebešong mabokgoni a rena

A hlatlegwa meši e ntše e re thuntšhetša

Tšohle di na le mathomo

Sa go hloka mathomo ke sehlola

Go phadima ga motho ke go se boife

Go thoma ga gagwe ke go se boife

Go ipeleša bohloko bo tlago le bokgoni bja gagwe

Kgobokgobo, motho ke go ikgobokoletša

Mphepu wa ipeleša, wa ja mphufutšwa wa phatla ya gagwe ka moso

Mathomo a bothomi ke mathomo a bokamoso bja go fahla

Ke mathomo a go buna 'hea la go nona

Mathomo a go rwala mokotlamobotse

Ke mathomo a go phela ka šebešebe diya maleng tša sobelela ka thelelo