Butrint Imeri

I lindur në Gjermani, Butrinti u rrit me tingujt e muzikës. Jashtëzakonisht i talentuar, me pasion e dashuri ndaj muzikës, me një zë të këndshëm e të veçantë, e paraqitje të mrekullueshme, aftesitëe tij i plotesoi me studimet për muzike në Lorrach te Gjermanisë, në akademinë prestigjioze të muzikes pop “Voice Lap”, të themeluar nga artisti i famshem gjerman Xavier Naidoo. Gjithashtu, qysh 11 vjeç, ai ishte pjesë e akademise se kercimit “Dance Energy”, ku për 7 vite me radhë arriti të ngritej profesionalisht dhe të paraqitej në shumë qytete të Gjermanisë e më gjerë. Çmimet dhe vleresimet ishin të panumërta për talentin e ri shqiptar, që tani veç se po krijonte stilin dhe personalitetin e tij si këngëtar e kercimtar. Një nga paraqitjet më të mëdha ishte edhe paraqitja e tij si kercimtar në “Dance Camp” të Gjermanisë, ku arriti të triumfonte, në mesin e kercimtareve më të mirë nga e gjithë bota.