Te Matrem laudamus Lyrics

Te Matrem laudámus

Te Dóminam confitémur

Te ætérni Patris

Stella maris splendor illúminat

Tibi omnes Ángeli

Tibi cæli et univérse potestátes

Tibi Chérubim et Séraphim

Incessábili voce proclámant

Virgo: Virgo

Virgo vírginum sine exémplo

Ante partum et in partu

Atque post partum

Te gloriósam

Apóstoli prǽdicant

Te Prophetárum

Virgo cóncinunt líneæ

Te Mártyres sui Dómini

Matrem testántur

Te per orbem terrárum

Sancta confitétur Ecclésia

Matrem

Imménsæ castitátis

Venerándam Dei Sponsam

Maritíque nésciam

Solam Sancto

Grávidam Spíritu

Tu es Regína cæli

Tu mundi totíus es Dómina

Tu ad liberándum hóminem pérditum

Carne vestísti Altíssimi Fílium

Tu ad vincéndum mortis acúleo

Castíssimo protulísti vitam ex útero

Tu ad déxteram Dei Patris

Sedéntis Fílii es Mater

Judex vivórum

Qui est et mortuórum

Te ergo quǽsumus, Christi crédulis súbveni

Pretiossísimo ventris tui gérmine redémptis

Ætérna fac cum Sanctis cunctis

In glória munerári

Salvum fac pópulum tuum Dómina

Benedícta et immaculáta

Et rege eos et extólle

Illos usque in ætérnum

Per síngulos dies

Benedícimus te

Et laudámus nomen Altíssimi

Qui te fecit altíssimam

Dignáre omni laude digníssima

Ab indigníssimis laudári

Miserére nostri Dómina

Mater misericórdiæ

Fiat misericórdia Fílii tui Dómina super nos

Ope tua qua clamámus ei

In te Dómina sperávi

Non confúndar in ætérnum