Alikuta Ibada Lyrics

Alikuta Ibada - Ambwene Mwasongwe

...

Alikuta ibada zinaendelea

Ila zina tatizo

Alikuta maombi yanafanyika

Ila yana kasoro

Alikuta mifungo inaendelea

Ila ina dosari

Akakuta sadaka zinatolewa

Ila zina makandokando mengi

Akashangaa mwili umetawala

Badala ya Roho!

Akawafundisha ibada za Rohoni

Jinsi zitakiwavyo

Muombapo msiombe sala ndefu

Ili watu wawasifu

Mtoapo msitoe kwa matangazo

Ili watu wawaone

Mfungapo msijionyeshe

Ili watu wawasifu

Ila baba yenu aliye sirini

Yeye atawajazi

Mungu ni roho

Na wote wamwabuduo

Imewapasa kumwabudu

Kwa roho na kweli

Yeye huona kile ambacho jicho haliwezi kuona

Yeye hushika kile ambacho mkono hauwezi kukishika

Yeye hutafsiri lugha ya moyo hata mdomo usiposema

(Kwake hakuna siri)

#

Akawakemea Viongozi wa dini

Na washika sheria

Waandishi na mafarisayo

Na masadukayo

Hawakutaka-Walikasirika

Wakaleta vitabu

Kwa mamlaka ya nani wafanya haya?

Wapate kumshitaki

Wakadhani kiroho ni shule

Ili wamfedheheshe

Akawatazama akawapima

Walikuwa weupe

Wakamletea mwanamke mzinzi

Aliyefumaniwa

Wakataka wasikie neno lake

Atakavyomuhukumu

Akainama akachora chini

Akaandika majina yao

Ardhi ikageuka "video touch"

Wote wakakimbia

Mzee wa kanisa alipojiona

Akilewa na wake za watu

Shemasi kaona aibavyo sadaka

Naye akakimbia

Wanakwaya wakaona wanavyosengenyana

Na kupiga majungu

Yesu alipoinuka

Wote wamekimbia

Akasema na mimi sikuhukumu

Nenda usitende dhambi tena!

Ole mafarisayo na masadukayo

Mwaosha vikombe kwa nje

Ila ndani ni vichafu

Mwapaka makaburi chokaa

Ndani yake ni mifupa

Mwawabebesha watu mizigo

Ninui hambebi

Ole!

Mwawatungia wengine sheria ninyi hamzifuati!

Ey!

#

Akalikaribia kapu la sadaka

Aone wanachotoa

Ghafla akamwona mwanamke mjane

Anatoa kichache

Akasema huyu ametoa vingi

Kuliko ninyi nyote

Maana kwa Mungu wingi sio idadi

Ni ukamilifu wa jambo

Wengi mmetoa kwa mbwembwe

Vimeonekana vingi

Ila mlivyobakisha nyumbani ni vingi

Sio kama mwanamke huyu

Akaona wanagawana chenji ibadani

Akakasirika

Wanauza vitu kama mnada hekaluni

Mahali pa ibada

Akachukua fimbo akawachapa

Akapinduapindua

Nyumba yangu itakuwa ya sala

Sio nyumba ya biashara

Uko wapi moyo wa ibada?

Uko wapi moyo wa kicho!?

Ule moyo wa kutetemeka

Tusikiapo neno la Bwana

Mambo haya Je yamo kanisani leo basi tujiulize

Akija yule mwenye kanisa

Je hatatuchapa?

Mungu ni Roho

Na wote wamwabuduo

Imewapasa kumwabudu kwa roho na kweli

Maana yeye huona kile ambacho jicho

Haliwezi kuona

Yeye hushika kile ambacho mkono

Hauwezi kukishika

Yeye hutafsiri lugha ya moyo hata mdomo usiposema

#

Tunatakiwa tumwabudu Bwana

Tusichonge sanamu

Tuangalie tusije kujiabudu wenyewe

Pamoja na vitu vyetu

Tukicheza ili watu watuone

Tumejiabudu wenyewe

Tukiimba ili watu watufurahie

Tumetwaa utukufu

Tukigeuka nyuma na kutafuta maoni ya watu

Tumejichuuza wenyewe

Hicho ndicho kilichomponza lusifa

Alitaka asifiwe

ooh!

*